Despois da estrena onte de Descubrindo Magas, regreso ao Salón do Libro esta vez coa tradición oral, as historias dos avós e avoas. Con eses Contos que falan doutros tempos, de animais fantásticos, de bruxas e menciñeiras. Así de ben o pasei coa rapazada do CEE Principe Felipe e o CEIP Campolongo:
Estrea absoluta de “Descubrindo Magas” no Salón do Libro Infantil e Xuvenil de Pontevedra, que este ano leva como tema “A maxia”.
“Descubrindo Magas” achega as historias de moitas mulleres magas que, aínda que descoñecidas, habelas hainas. Contei a historia das irmás Fox, que foron moi famosas nos Estados Unidos porque seica podían falar cos mortos (ou iso pensaba a xente, xa que logo recoñeceron que non era tal, que todo nacera dunha brincadeira). Tamén puidemos coñecer a historia de Lulu Hurst, que foiu coñecida como a “moza magnética” pola súa forza sobrehumana. Tivemos, na sesión, raios, tronos e libros máxicos!!!
Este espectáculo o pudieron ver en primicia o alumnado dos centros escolares de Pontevedra CEP Marcos da Portela, CEIP Xunqueira 2 e CEIP do Carballal de Marín.
Xa falta menos para a estrea de “Para lerte mellor”, mañá sesións escolares no Salón do Libro de Pontevedra Este ano o tema é LIBROS PARA XOGAR, xogamos?
PARA LERTE MELLOR
Eu pensaba que había só unha maneira de ler un libro, ata que atopei este libro, vello, pesado, esquecido,…Vivo!!!
Quen le a quen?
Unha lectora descoidada atopa un libro que non se deixa abrir, primeiro quere xogar a un xogo…
Se foses un libro que libro serías?
Lapelas que se levantan, pestanas, acuñes, imaxes emerxentes das que se despregan paisaxes, xorden personaxes e brotan historias. Mecanismos varios postos ao servizo do libro que traspasa o marco, forzan un material cotián, o papel, e reálzano ata convertelo nun obxecto único, capaz de asombrar a lectora, ao lector máis espelido .
Espectáculo de narración oral de libro animado con manipulación de obxectos e monicreques.
Dirixido a un público familiar e a nenas e nenos a partir dos tres anos.
Duración: 40 minutos
Foi unha tarde de cine, unha tarde de contos!!! Grazas por encher as butacas do Salón do libro infantil e xuvenil de Pontevedra e mergullarvos comigo no Cinema Marabillas. Ver para ler.
O día 22 de marzo haberá dúas sesións escolares de novo!! Esta mañá estiven coa rapazada do CEIP Vilaverde e do CEIP Xunqueira 2
De novo, feliz de participar nesta edición presencial de O Salón. Grazas a toda equipa do Salón por contar comigo e grazas polas fotos, José Aragunde!!
Hoxe de estrea no Salón do Libro Infantil e Xuvenil de Pontevedra “O mundo de Adela Turín: Clementinas e Bonobos”, foron dúas sesións (no Espazo Morrer de risa) unha para infantil do CEIP Carballeira e outra para terceiro de primaria do colexio Xunqueira 1.
Nos anos 70 do pasado século, Adela Turín fundou “Delle Parte Delle Bambine”. Foi o froito dunha experiencia editorial orixinariamente italiana que pretendía presentar con humor, dunha maneira concreta e intelixíbel, o problema do sexismo a través de álbums ilustrados. Tratábase de ofrecer ás nais e aos pais, ás educadoras e aos educadores as ferramentas necesarias para provocar unha conversa coas nenas e cos nenos sobre este problema crucial.
Por fin puiden saudar a Orbil e presentarlle a Tizi, a bonoba italiana, fixeron boas migas!! “In bocca al Lupo” díxome Tizi. É unha das expresións máis bonitas en italiano. O desexo de que che vaia todo ben, “moita merda” que esteas segura e protexida . A loba coidou e aleitou a Rómulo e Remo (lenda romana sobre os fundadores da cidade de Roma) . A loba e o lobo protexen as súas crías manténdoos na súa boca. “Grazie di cuore, Tizi” “larga vita al lupo”!
Logo estivemos a contar “O mundo de Adela Turín” na sala Rodari, non se pode ser máis italianxs!! Grazas por encher a sala cos vosos risos,familias!!
Grazas, Maruxa, polas fotos e pola túa axuda.
Grazas a todas/os por vir hoxe a “Deamos a volta ao conto” no Salón do libro de Pontevedra. Como sinto que quedaran xente amiga fóra, xa non se collía!! Foi fermoso partillar con vós entre outros contos a historia da miña avoa e as súas aventuras na Raia Seca, corría…como corría para traer comida para a súa familia!! Pero, coidado!! Alguen vixía a fronteira…
