Unha cómica ambulante transita polo Camiño de Santiago, pode aparecer en calquera recuncho detrás dun biombo. Presenta o seu espectáculo con poesía e pandeireta, presumindo de lingua propia.

Ela é portadora da nosa rica tradición oral. Da súa boca abrollan ditos, trabalinguas, adiviñas, contos e lendas. Onde a amizade, o amor, o bo humor, o enxeño e a intriga dánse a man.

A cómica de lingua é unha peregrina máis. Tras atravesar varias pontes chega a unha pousada. Alí perde unha quenda. Para gañarse o sustento, comeza a función para os hóspedes que alí se atopan.

Unha única intérprete dará voz e corpo a todas as personaxes das súas historias.

A actuación, de súpeto, vese interrompida por un grallo. Asoma pola fiestra da pousada unha oca!!

Direción e interpretación: Raquel Queizás.

Artefacto escénico e monicreque: Titereluis

Espazo sonoro:
“Tous les matins….Ultreia”
Letra e música de Jean-Claude Benazet.

Versións instrumentais de Alex González
.
“Coral de Bienvenida” de José Ignacio H. Toquero.

Deseño cartaz e web: Daniel Piñeiro

Duración do espectáculo: 50m
Montaxe/desmontaxe: 90m/40m

Público: Nenas e nenos a partir de 3 anos. Público familiar.

Espectáculo adaptable a espazos interiores e exteriores.

Esta obra  contou co apoio do Fondo de proxectos culturais en lingua galega Xacobeo 2021 da Xunta de Galicia.

X