Unha homenaxe á vida e obra de Francisco Fernández del Riego.

Pasaron 60 anos desde que Don Paco inventou o Día das Letras Galegas, si! Saíu do seu maxín, como moitas outras iniciativas culturais que contribuíron e contribúen a dar prestixio á nosa lingua e á nosa literatura.

Se queredes coñecer este loitador cultural, galeguista incansable, apertade ben o cinto; nun momento levantamos voo cara á Galaxia, a editora que creou xunto con outros compañeiros nunha época ben, ben escura.