Caso Pechado en Gondomar

Este sábado 17 de decembro, a Casa da Lectura acolleu unha nova sesión do Comando Le, dedicada nesta ocasión ás historias de intriga, medo e misterio.  E o espectáculo perfecto para isto foi Caso pechado, unha sesión de contos para adolescentes que recolle lendas urbanas e relatos de misterio, da man dunha detective que fala dos casos máis curiosos que tivo que resolver.

Espazo Lectura

Caso Pechado en Coristanco

Doble sesión de Caso Pechado na Casa Cultura de Coristanco. Os misterios quedaron resoltos e os casos pechados gracias á sagacidade das mozas e mozos de Coristanco.

Caso Pechado no IES Sofía Casanova de Ferrol

A biblioteca do Instituto de Ensino Secundario Sofía Casanova de Ferrol, foi o escenario perfecto para desenrolar as tramas de Caso Pechado, o meu espectáculo de narración oral de intriga e misterio. Grazas a axuda dos rapaces, puiden pechar outro caso máis!

Caso Pechado no I.E.S. Leixa de Ferrol

Hoxe venres 27 de novembro, ás 10.35 horas, achegueime o IES Leixa de Ferrol para compartir co alumnado de Bacharelato e FP básica a miña fascinación polas historias de terror, misterio e o cine negro. As mozas e mozos foron os protagonistas, tanto axudando a resolver os casos como recreando as situacións nas que tiveron lugar os sucesos:

Se interesase nalgún lugar máis a miña labor de investigación non dubiden en contactar comigo.

Caso pechado en Silleda

Caso pechado en Silleda

Caso pechado, o espectáculo de historias de misterio e terror foi elixido polo instituto de ensino secundario Pintor Colmeiro de Silleda para celebrar o fin do primeiro trimestre de clases.

 

Caso Pechado no IES Chano Piñeiro de Forcarei

As historias de suspense de Caso Pechado atraparon a atención dos alumnos do Instituto Chano Piñeiro de Forcarei.

No seu blog, fixeron a seguinte reseña:

“Cando alguén é quen de lograr que o alumnado que o está a escoitar nin se inmute cando soa o timbre de saír ao recreo, quere dicir que conectou co seu público. Isto é o que logrou Raquel Queizás esta mañá coa rapazada de 1º e 2º ESO do IES Chano Piñeiro co seu espectáculo Caso Pechado. Contos clásicos como “A pata de mono” de William Wyamrk Jacobs ou “Cordeiro asado” de Roald Dalh narrados dentro dunha boa ambientación case ás escuras que nos permitiron achegarnos dun xeito ameno  e participativo á literatura de misterio e terror.”

O rematar a sesión dúas das alumnas, Susana e Andrea, fixéronme unha entrevista que pronto estará publicada no Blogue do Equipo de Normalización e Dinamización da Lingua Galega.

Moitas grazas a Anxo Fernández, coordinador ENDL no Instituto Chano Piñeiro, por organizar esta actividade e outras moitas que podedes consultar en esta ligazón.

Páxina 1 de 212
X