Cinema Marabillas en Redondela
O pasado venres 28 de agosto no Auditorio de Redondela pasámolo de conto, pasámolo de cine. Moitas familias viñeron coñecer Cinema Marabillas . Grazas á Bibliotecas de Redondela, ao Concello de Redondela e ao programa Ler Conta Moito.
Así de ben falaron de Cinema Marabillas desde as Bibliotecas de Redondela:
Unha “marabilla marabillosa” foi o espectáculo conducido por Raquel Queizás este pasado venres, no Auditorio do Multiúsos da Xunqueira de Redondela …E que sorpresas encerraba que ninguén se esperaba !!!
Non as podemos desvelar por se os que o “Cinema Marabillas” non puidestes, esta vez, visitar, nalgún outro momento querédelo gozar… (Do blog Ler conta moito)
Fotaza de Leticia Nogueira Villaverde. Grazas, linda!!
O xornal Diario Atlántico fíxose eco da actuación:
E tamén Radio Redondela, reseñou esta actuación.
Somos iguais en Baredo (Baiona)
No Centro Cultural de Baredo pasamos a tarde con Somos iguais. contos pola igualdade. Grazas, familias. Así rematan as sesións organizadas pola Concellería de Igualdade de Baiona.
Somos iguais en Moaña
O segredo do tendal en Vigo
Moi leda estou de poder contar en Vigo como cada verán, agora polas FESTAS e con tódalas medidas de seguranza que fan falla. Así que vós non vos movades, que xa me movo eu para contarvos, familias, “O SEGREDO DO TENDAL“. A entrada e de balde, maís por orden de chegada ata cubrir o aforamento.
Raposadas na Arca da Noe
Bonita contada na festa do VI aniversario da Arca da Noe nun lugar de conto: o espazo Carabuñas en Vilar de Santos !! Grazas por contar comigo, Noe! Moitos parabéns!! Que cumpras moitos máis!!! Foi un día moi especial, estupenda organización, moito agarimo, bo ambiente, rica comida, a mellor xente!!!
Mariña na Biblioteca Miguel González Garcés de A Coruña
Atopamos un recanto ben fermoso na Biblioteca Pública Miguel González Garcés, para mergullarnos nas historias do mar…Subíu a marea e remataron os contos que sabe a serea.
Grazas, Maria José polas fotos tamén.
Travesías en Boiro
Un lugar formidábel para ir de Travesías, no fermoso estuario do río Coroño, en Boiro. Contando, contra vento e marea, e corrente e pendente!!. Moitas familias, enmascaradas, con fame de contos de aventuras agardaban por min. Grazas por vir!! Grazas Manuela polo teu bo facer e o teu agarimo e polas fotos!! Grazas pola axuda, Polo!!
Vémonos o 5 de agosto ás 12h no paseo do río Breiro, ao lado do muíño, iremos de Romaría. Contos e lendas da nosa terra”.
Somos iguais en Sabarís (Baiona)
A maleta da avoa en Boiro
A raposa regresa !!!
Feliz de contar contos outra vez!!! En directo!!! Que mellor lugar… A carballeira do Candón. Bosquescola Taboexa. Grazas Karina Mouriño , eres unha mestra tan, tan especial que quixera ser meniña, outra vez, para medrar á túa beira. Que ledicia escoitar as risas, as preguntas, as aventuras deses ollos atentos e sempre famentos de historias!! Canto vos botei de menos nenxs!!! Ata o próximo conto. Apertas a Mouri!!
Catálogo de narradores do Maratón de los Cuentos de Guadalajara
Que ledicia formar parte do catálogo de narradoras e narradores do “Maratón de los Cuentos de Guadalajara”!!
http://www.maratondeloscuentos.org/narradores/
Agardo que moi pronto poida (e poidamos todas e todos) regresar a este fantástico festival de Narración Oral
Que boas lembranzas teño das miñas participacións no Maratón e nos Contos Viaxeiros:
Ribeira festexa o Día das Letras Galegas
Xa que aínda non podemos contar contos de forma presencial na Biblioteca de Ribeira, fixémolo en liña!
Grazas por contar comigo!!
Festexamos as Letras Galegas, familias de Ribeira!!
Oxalá, máis pronto que tarde, nos atopemos contando mirándonos aos ollos.
Coidado, conto tradicional galego en liña
E hoxe domingo, Día das Letras Galegas, contarei en liña para as familias de Viveiro. Aquí vai toda a Programación Especial para Redes Sociais.
Grazas por contar comigo!!
Oxalá pronto poidamos contar contos na vosa Biblioteca, ou nas prazas, na rúa, nos montes
Día do Libro (A lenda da ponte de Furelos)
Onte polo Día do Libro…
Para as nenas e nenos de Melide e para quen queira escoitar e investigar: A lenda da ponte de Furelos
E que estamos feitos de historias!
Contadoras de historias e tradición oral
Todo un pracer participar coma invitada no seminario dinamizado (si, esta vez tivo que ser en liña) da materia Arqueoloxía Pública do Master Interuniversitario en Arqueoloxía e Ciencias da Antigüidade.
Festival Atlántica 2020
Agardaban por min para inaugurar a sede de Bertamiráns do Festival Atlántica, en Dospasos, mais no poido ser polo inicio do confinamento. Volverei!, e mentras vouvos botar un conto, non é conto que foi verdade!!!
Actuacións aplazadas polas medidas sanitarias
Seguindo as recomendacións e medidas sanitarias en relación coa contención do coronavirus quedan canceladas ou aprazadas as próximas actuacións, ata nova aviso. Que mágoa!! Moito ánimo a todas e todos!!!
Aquí podedes consultar con detalle as actuacións pospostas ou cancedas.
Salón do Libro de Pontevedra 2020
Hoxe de estrea no Salón do Libro Infantil e Xuvenil de Pontevedra “O mundo de Adela Turín: Clementinas e Bonobos”, foron dúas sesións (no Espazo Morrer de risa) unha para infantil do CEIP Carballeira e outra para terceiro de primaria do colexio Xunqueira 1.
Nos anos 70 do pasado século, Adela Turín fundou “Delle Parte Delle Bambine”. Foi o froito dunha experiencia editorial orixinariamente italiana que pretendía presentar con humor, dunha maneira concreta e intelixíbel, o problema do sexismo a través de álbums ilustrados. Tratábase de ofrecer ás nais e aos pais, ás educadoras e aos educadores as ferramentas necesarias para provocar unha conversa coas nenas e cos nenos sobre este problema crucial.
Por fin puiden saudar a Orbil e presentarlle a Tizi, a bonoba italiana, fixeron boas migas!! “In bocca al Lupo” díxome Tizi. É unha das expresións máis bonitas en italiano. O desexo de que che vaia todo ben, “moita merda” que esteas segura e protexida . A loba coidou e aleitou a Rómulo e Remo (lenda romana sobre os fundadores da cidade de Roma) . A loba e o lobo protexen as súas crías manténdoos na súa boca. “Grazie di cuore, Tizi” “larga vita al lupo”!
Logo estivemos a contar “O mundo de Adela Turín” na sala Rodari, non se pode ser máis italianxs!! Grazas por encher a sala cos vosos risos,familias!!
Grazas, Maruxa, polas fotos e pola túa axuda.
Cinema de historias da man de Alice Guy en Caldas
Gracias de novo ao Concello de Caldas de Reis, por facer posible que Cinema de Historias chegara a todos os colexios de esta vila, e tamen polas fermosas verbas sobre o espectáculo:
Marabillosa tamén a interpretación de Raquel Queizás no espectáculo “Cinema de Historias, da man de Alice Guy”. O alumnado e o profesorado que acudiu hoxe a ver esta obra teatral quedou sorprendido pola historia desta muller que foi un exemplo de empoderamento feminino e ao longo da súa carreira desenvolveu tarefas de directora de cine, actriz, guionista etc.
Cinema de historias da man de Alice Guy en Betanzos
Grazas, Marta Piñeiro, grazas ao Concello de Betanzos por apoiar a miña proposta para rendir homenaxe a Alice Guy.
“No momento en que a xente seguía filmando escenas da rúa, trens entrando na estación, etc. Eu era a filla dun libreiro e encantábanme os libros. Lera moito e fixera teatro amateur e pensei que algo mellor se podía facer. Así que lle suxerín ao Sr. Gaumont que me deixara a cámara para rodar algunhas escenas. Dixo: “iso parece unha bobada de nena. Podes probar se queres cunha condición: que o teu traballo de oficina non sufra. ”
O eco das pedras en Betanzos
Este xoves escoitaronse “O eco das pedras” nos colexios de Betanzos. Este é un espectáculo de narración oral sobre o valor do noso patrimonio cultural. Mouras e nubeiras teñen moito que contar!
A viaxe de Nano no Carballiño
Que ben estivemos no Auditorio do Carballiño escoitando e gozando con “A viaxe de Nano“, ao rematar as cullarapiñas e curallapiños non querian deixar o escenario!! Ata o próximo conto! Grazas por acudir!
Toin Toin en Ribeira
As crianzas de Ribeira coas súas nais, pais, avós, avoas, irmás, irmáns… acudiron ao Centro Cultural Lustres Rivas este sábado 15 de febreiro, para gozar dunha sesións de contacontos para celebrar o día da lingua materna. Moi ben o pasamos! Grazas familias, foi unha festa! A festa da nosa lingua materna
Obradoiro “Cando contan elas” no CIFP Portovello
Estiven no CIFP PORTOVELLO de Ourense impartindo un obradoiro de “Iniciación á arte de contar historias. Cando contan elas” para o alumnado dos diferentes ciclos.
Descubrimos as versións orixinais de moitos contos que coñecemos. Pescudamos na tradición oral contos onde as personaxes femininas teñen moito que contar. Mergullámonos nas lembrazas da nenez na busca dunha voz propia. Un longo camiño poboado de historias…
Grazas pola confianza.
Palabras na boca e Somos iguais no Manolita Café Bar de Salamanca
Palabras en la boca en el precioso Manolita Café Bar de Salamanca:
E o día seguinte, unha sesión familiar de Somos iguais:
Somos iguais en Villares de la Reina (Salamanca)
Continuo por terras salmantinas, e así chego a Biblioteca Municipal de Villares de la Reina, para contar Somos iguais. Contos pola igualdade
Palabras na boca no Avalón Café de Zamora
Foi todo un pracer contar as historias para adultos de Palabras na boca no Avalón Café de Zamora!
Somos iguais no Museo Etnografico de Castela e León
Así de ben o pasei contando Somos Iguais no Museo Etnográfico de Castela e León en Zamora:
O xornal La Opinión de Zamora fíxose eco da actuación:
Ven a Conto e Somos iguais en Villamayor (Salamanca)
Comezo unha pequena xira de contos polas provincias de Salamanca e Zamora. Arrinco con “Ven a Conto” na Biblioteca Pública de Villamayor (Salamanca)
E o día seguinte, celebramos o Día da Paz de la mellor maneira, contando Somos iguais, contos pola igualdade para a rapazada de Primaria na Biblioteca Pública de Villamayor. Grazas por poñeros na pel dos demais. Grazas, Manuel pola foto e por tanto agarimo!
Os favoritos de… Raquel Queizás
Hoxe remato a miña xira polas Bibliotecas Municipais de A Coruña para contar os meus contos favoritos!!! Grazas por contar comigo un ano máis.
Comecei o día 20 de xanerio na Biblioteca do Ágora, o 21 na Biblioteca de A Sagrada Familia, o 22 na Biblioteca de Monte Alto, o 23 na Biblioteca do Castrillón, o 24 na Biblioteca Os Rosales, o 25 ás 12h no Punto Préstamo Mesoiro e ás 18h na Biblioteca Infantil e Xuvenil de Durán Loriga. E hoxe 28 pechei o ciclo na Biblioteca do Forum Metropolitano ás 18h. Será por contos!!!
Os Favoritos de… continuan con O Rato Fuco, Pablo Pablísimo, Prima Carolina, Paula Carballeira, Pakolas e Caxoto. Neste calendario podedes consultar a programación completa de “Os Favoritos de…”
