Romaría en Chapela

Unha Romaría nun lugar espectacular: O Piñeiral do Crego, con fermosas vistas á ría de Vigo. A Biblioteca de Chapela saíu a tomar a brisa do mar á sombra dos piñeiros, unha festa para celebrar o Día das Bibliotecas!!!

 

Romaría en Ferrol

«Sen bibliotecas, que nos quedaría? Non teriamos pasado nin futuro» (Ray Bradbury)

Por isto seguimos a celebrar que as bibliotecas existen!!!. Este venres o espectáculo de narración Romaría, chegou á Biblioteca de Ferrol.

Romaría en Cee

Romaría en Cee

230 mozas e mozos dos colexios Eduardo López e Manuela Rial Mouzo de Cee e tamén os usuarios de Aspadex, acompañáronme na Romaría para vivir os nosos contos e as nosas lendas. Foi esta mañá no auditorio da Casa da Cultura de Cee grazas á Fundación Fernando Blanco de Lema.

Esta función foi reseñada polo xornal La Voz de Galicia.

 

Romaría en Padrón

Así estaba todo listo, xusto a piques de comezar a Romaría na Biblioteca Pública Municipal de Padrón.

Romaría no Monte Gallerio

Esta  mañá andiven  de Romaría polo monte Galleiro, contando no medio da natureza, que ben presta. Unha terra chea de lendas que se agochan nas mámoas, na fonte da Muxa, no refuxio de El Seco… Alimentémonos da nosa historia para coñecernos mellor.

Vivín o roteiro como unha rapaza máis, percorrendo camiños cheos de amigxs e segredos, e compartindo lendas como quen comparte pan para a merenda. Grazas a José Manuel Soto Virulegio por convidarme, e grazas tamén a Isa Belita a nosa guía que nos ensinou o “rico” que é o monte e nos presentou a súa aguia. E de volta, ao remate, como me prestou a conversa con Ricardo falando de lobos que poden aparecer ao volta do camiño.

X