10 outubro , 2022
Volve O Museo en Camiño! O museo itinerante está de volta á ruta!
Que ilusión me fixo participar nesta segunda edición de este gran proxecto cultural e didáctico!! Grazas por confiar en min, compañeiras de Gestión cultural _ taller abierto!!
Este proxecto realizado por Gestión cultural _ taller abierto e Paspallás que forma parte do programa O teu Xacobeo da Xunta de Galicia feito en colaboración co Museo Provincial de Pontevedra e busca poñer en valor o papel do Camiño como eixo vertebrador de cultura. Ademais pretende impulsar a identidade xacobea de lugares pertencentes á ruta de peregrinaxe ao seu paso pola provincia de Pontevedra. Nenas e nenos de primaria de municipios do Camiño Portugués tiveron a oportunidade de coñecer o significado de formar parte dun percorrido moi antigo na que paisaxe, patrimonio e valores espirituais e medioambientais se funden nunha ruta de intercambio entre persoas.
O museo itinerante botou a andar! Algunhas das pezas máis destacadas da colección do Museo Provincial chegaron aos coles de Barro (CEIP Amor Ruibal), Catoira (CPI de Progreso), PonteSampaio (CEIP de Pontesampaio), Pontecesures (CPI Pontecesures) e Cesantes (CEIP Outeiro das Penas)
E non vos perdades a Exposición!!!: Ata o 27 de novembro pode visitarse no primeiro andar do Edificio Castelao a exposición didáctica coa que pecha o programa ‘O Museo en Camiño, volta á ruta’, en colaboración co Museo, dentro do programa ‘O teu xacobeo’ da Xunta de Galicia.Auténticas pezas de arte feitas en familia coas fabulosas compañeiras de @tallerabierto @asociacion_paspallas Museo de Pontevedra
Con esta exposición remata este completísimo proxecto. Grazas por contar comigo!
6 outubro , 2022
Hoxe dúas funcións de Cambio e conto na Biblioteca Pública de Vigo Juan Compañel
30 setembro , 2022
O meu espectáculo de narración “Travesías” atracou este venres 30 de setembro ás 18h no Auditorio de Nigrán.
Grazas ao Concello de Nigrán, ao programa Ler Conta Moito, e a Millo Corvo polas preciosas fotografías.
30 setembro , 2022
Grazas ao Diario Nós por anunciar as Travesías de este venres 30 de setembro en Nigrán
3 setembro , 2022
Así foi a estrea de Sopa cómica no Vía XIV, Festival Internacional de curtametraxes de Verín.
Diario do Támega, reportaxe de Lara Blanco e fotografías de Ivan Iglesias
Os nenos foron os protagonistas nesta mañá do FIC e, da man de Raquel Queizás e a súa “Sopa Cómica”, coñeceron a históricos personaxes do cine en branco e negro e mudo. As gargalladas dalgúns dos cativos escoitáronse no Auditorio de Verín, onde tiveron esta actividade.
O espectáculo comezou con Queizás preparándose para cociñar a súa “sopa” para os cómicos e facendo ela tamén de actriz de cine mudo, sacándolles as primeiras risas ós rapaces. Mentres a narradora oral preparaba sopa no seu pequeno restaurante, atopou un anuncio para ser actriz para o que presentou a súa candidatura. A partir de aí explicoulles como comezou o cine e todos os ingredientes básicos que tiñan as películas cómicas da época.
A través dun libro, os cativos foron coñecendo a súa historia pouco a pouco e tamén ás figuras máis coñecidas e a outras que non o son tanto do cine de principios do século XX. Os fragmentos das películas que puideron ver eran mudas, pero Queizás encargouse de poñerlle algo de voz ao que ocorría, mentres os nenos escachaban coa risa, que cada vez era máis forte.
Chaplin foi un dos artistas que máis recoñeceron os pequenos, pero “Sopa Cómica” deulles a oportunidade de descubrir a moitos máis que os fixeron rir sen parar. “Foi todo moi ben e os nenos, incluso os máis cativos, desfrutaron”, sinalou Queizás.
30 agosto , 2022
Aquí vai unha entrevista no xornal La Voz de Galicia que me fixo María Doallo sobre a miña participación no FICVíaXIV (Festival Internacional de Curtas de Verín) . Grazas!! Fui un pracer compartir lembranzas de cinema.
Podedes ver neste enlace a entrada sobre a estrea de Sopa Cómica
