Nano vai á escola en Ribeira

Nano vai á escola en Ribeira

Rodeada de arte e xente marabillosa un día máis, transcorreu a xornada de contos ‘Nano vai á escola’, na Sala de exposicións do centro cultural Lustres Rivas. Grazas cullarapiñas, cullarapiños e familias de Ribeira por escoitar!! Pasade un bo verán!!

O Diario de Arousa, reseñou a actuación na súa edición do 26/06/2019:

Nano en Noia

Nano en Noia

Este martes 21 de maio, na biblioteca de Noia non cabía ningunha cullarapiña máis!! Grazas por encher a biblioteca de risos, contos, cantigas e bicos de ra. Nano tamén está desexando volver….

E claro que Nano regresou! O venres 24 “O xogo de Nano” encheu o salon de actos da biblioteca Municipal de Noia:

La Voz de Galicia, 21/05/2019

 

Somos iguais nas IV Xornadas de xénero de Ponteceso

Somos iguais nas IV Xornadas de xénero de Ponteceso

Sempre é unha alegría coñecer unha biblioteca nova, esta tarde tiven unha sesión ben bonita na Biblioteca de Ponteceso con “SOMOS IGUAIS” dentro das IV Xornadas de xénero que organiza cada ano o Concello de Ponteceso. Grandes e pequenos vivimos os contos.

Así reseñaron a actuación dende o face do Concello:

De nenos sensibles e nenas fortes falounos esta tarde a contadora Raquel Queizas e Queliña, a protagonista do espectáculo infantil “Somos iguais”, que se celebrou na Biblioteca Municipal dentro das IV Xornadas de Xénero. Durante case unha hora pequenos/as e maiores compartiron escenario, emocións, diversión e moitos contos pola igualdade moi ben contados. Moitas grazas a todos por participar e contribuír a educar en valores.

Grazas pola agarimosa acollida!

A maleta da avoa na Casa Museo Manuel María

A maleta da avoa na Casa Museo Manuel María

Hoxe tiven o pracer de coñecer a Casa Museo Manuel María en Outeiro de Rei, unha visita moi recomendable. Alí esperábanos Antón que moi amable fíxonos unha visita guiada por todos os cuartos da casa, contounos moitas anécdotas, descubriunos segredos, enredamos entre espellos e versos… Logo compartín contos e lendas na vella palleira coas familias, ao remate Antón nos convidou a merendar, sempre o fai cos artistas. Que riquiño!! como a tortilla, o xamón e o queixiño!!

 

X