Ven a Conto en Silleda
A rapazada do CEIP Plurilingüe de Silleda foron coñecer a biblioteca municipal “Daniel Castelao”, e alí desfrutamos todos unha chea con “Ven a Conto”
Somos Iguais na EEI A Capela de Ribeira
Grazas a ANPA do EEI A Capela de Ribeira coñecín unha escoliña moi feita, alí agardaban por min as mestras Ana e Rosa, e a pequena Lola. Foi unha honra inaugurar o fermoso recuncho para os contos cheo de sorrisos das familias.
Esta actividade foi financiada cos fondos do Pacto de Estado contra a violencia de xénero.
Vémonos no futuro no Vía XIV Festival Internacional de Curtas de Verín
Máis de medio millar de nenas e nenos participaban na iniciativa “Vémonos no futuro”. Dentro da programación do fantástico Festival Internacional de Curtas de Verín. Esta actividade divulgativa buscaba achegar o mundo do cinema ó público infantil a través da ciencia ficción. Un espectáculo que “mestura a narración oral co teatro e co cinema e convida á rapazada dos centros educativos de Verín e comarca a unha fantástica viaxe no tempo”. Así de ben o conta O Diario do Támega.
Grazas a todos os centros educativos por vir un ano máis!! Ata veu o Ratiñoooo.
E grazas ao VÍA XIV – Festival Internacional de curtametraxes de Verín e ao Concello de Verín e a todos os patrocinadores e patrocinadoras por seguir facendo realidade este Festival!!
Grazas Daniel Piñeiro tamén por todaaaa a parte técnica!
Noticia no telexornal da TVG
Cóntame un mundo en Radio3
Moi agradecidas a Esther Ferrero polo seu interese no proxecto Cóntame un Mundo e a entrevista que nos fixo no programa de Radio 3 Efecto Dopoler / Que parezca un accidente (Q.P.U.D)
Podedes atopar a entrevista a partires do minuto 52: 45´´.
Aquí tendes o fragmento do programa:
Na túa man nos colexios de Pontevedra
Así de ben rematamos a xira de contos pola igualdade percorrendo os seguintes centros educativos de Pontevedra: CEIP A Xunqueira 2, CEIP San Martiño de Salcedo, EEI de Verducido, CEIP Praza de Barcelos, CEIP Daría Gonzalez García, CEIP Cabanas, CEIP de Parada-Campañó, CEIP A Carballeira, CEIP Vilaverde, CEIP Marcón, CEIP Xunqueira 1 e CEIP Ponte Sampaio
Moitas grazas ao @concellodepontevedra @igualdade_pontevedra pola confianza no meu traballo. Moitas grazas á cativada e ás mestras pola escoita e implicación. “Na túa man” O cambio está nas nosas mans, o cambio está NA TÚA MAN.
Nellie Bly foi a primeira reporteira de periodismo de investigación e pioneira do xornalismo encuberto. Remexeu as conciencias coas súas atrevidas e perigosas reportaxes.
Aquela mañá, por baixo da porta da reporteira, entrou unha nota anónima, “na túa man” puña…
Ao longo dunha inesperada investigación imos ir descubrindo historias e relatos para poñer en valor o respecto, a tolerancia e mais a comunicación dentro das relacións entre as persoas.
Desmitificaremos o mal chamado “amor romántico” para darmos a coñecer o fenómeno da violencia de xénero, incidindo nas causas, tipos e consecuencias.
Viaxaremos na procura de novos modelos saudábeis de parella. Atoparemos mulleres fortes e decididas, e homes que poden expresar outras emocións que non sexan a rabia e a ira, que está ben mostrar tenrura, e que coidar tamén é cousa de homes.
Desafógate. Unha aventura acuática.
Ollade, familias!!! ‘Desafógate, unha aventura acuática’, a primeira obra de monicreques creada para previr o afogamento infantil e fomentar condutas seguras en zonas de baño. Un precioso proxecto da Universidade de Vigo, inspirado no conto “O rato con ás que aprendeu a nadar” de Carolina Pineda del Olmo.. E ao rematar a obra, un obradoiro de RCP (reanimación cardio-pulmonar básica) para as crianzas e as persoas adultas. Un espectáculo para desfrutar en familia, e que pode salvar vidas.
A obra foi representada nos seguintes lugares, cunha gran afluencia de público:
10/03/2023 Pontevedra (Casa das campás)
12/03/2023 Marín (Museo Torres)
12/03/2023 Soutomayor (Multiusos de Arcade)
14/03/2023 CEIP Frian de Teis (Vigo)
15/03/2023 CPR San Narciso (Marín)
16/03/2023 CEIP Virxe de Covadonga (Ourense)
17/03/2023 Escuela de Semente (Auditorio de Meis)
18/03/2023 Meis (Auditorio Municipal()
18/03/2023. Ponteareas (Auditorio Reveriano Soutullo)
20/03/2023 CEIP Quintela (Moaña)
21/03/2023 Pontevedra (Casa das campás)
Faro de Vigo 28/02/2023