O venres pola mañá, no Museo do Pobo Galego de novo agardei polo Clan das investigadoras, sesións escolares para para 2º, 3º e 4º de Educación Primaria, para coñecer de preto a algunhas mulleres importantes do Seminario de Estudos Galegos. A miña favorita é Magot Sponer. Nesta ocasión o colexio trouxo para o museo as súas pescudas de tradición oral. Marabilla!!
Grazas o Departamento de Educación e Acción Cultural (DEAC) do Museo do Pobo Galego
A rapazada do CEIP Plurilingüe de Silleda foron coñecer a biblioteca municipal “Daniel Castelao”, e alí desfrutamos todos unha chea con “Ven a Conto”
Eu, Queliña, a exploradora, viaxei aos confíns da terra para traer historias de diferentes partes do mundo á Biblioteca Neira Vilas de Vigo
En África, cheguei a Namibia, onde escoitei un conto tradicional co que os antigos intentaban explicar o que non entendían. Foi así como naceu a historia de Madisú e como conseguiu que nacesen as estrelas e a chuvia. Continuei a miña viaxe cara ao oriente e, facendo unha parada en China para tomar unha infusión, escoitamos a historia que sucedeu no río Amarelo, tamén chamado Huáng Hé, onde un vello e unha serpe discutiron por saber cal era a carne máis saborosa. A última parada foi nunha illa case descoñecida das Illas Mauricio, onde nos atopamos cun animal moi raro e xa extinto que aparece no conto de Alicia no país das marabillas… sabedes de que animal se trata?
Moito gocei lendo a novela ‘Be water‘ de Antía Yañez (Editorial Cuarto de Inverno, 2019). Ideei un obradoiro de dramatización, para a rapazada da ESO: vivir a novela antes de lela…
Grazas á Asociación de Escritoras e Escritores en Lingua Galega e os IES Faro das Lúas de Vilanova e o IES Nº1 de A Estrada.
Hoxe martes 5 de decembro fun botar uns contos na Praza de Abastos de Ribadeo. Ven a Conto!! Foi unha ledicia atoparme con caras amigas. Grazas ao Concello de Ribadeo por contar comigo unha vez máis. A volta foi moi doce degustando ás saborosísimas rocas de Chocolates Moreno. Grazas polo agasallo Carri e Nieves e polas fotos, Noe.
O Nano chegou ao fin da terra!! Que ledicia ver a sala chea de familias con gana de contos. Grazas, Silvia e Francisco por contar con nós…
Pola mañan estivemos no Salón de Actos do Concello de Fisterra, e pola tarde, despois de degustar riquísimo peixe, continuamos de viaxe… ata a vella escola de Villar de Duio, onde agardaba por nós Eva. Contounos que fai moitos anos tiveran un mestre que tiña un can chamado Xurelo e unha cadela chamada Xouba cos que enredaban xogando polo prado grande mirando o mar…
