Veño feliz despois das dúas sesións de “Cinema de historias da man de Alice Guy”. Grazas por vir ao teatro, alumnado de sexto de primaria do CEIP Santa Baia e a rapazada de cuarto, quinto e sexto do CEIP Santa María do Castro de Cabo de Cruz, xunto as súas mestras e mestres. Ademáis tamén foi en streaming para os demais centros educativos. Grazas, equipo técnico.
A rapazada do Ceip Santa María do Castro, de Cabo de Cruz, chegou andando ao Teatro. Percorreron catro kilómetros para ver “Cinema de historias da man de Alice Guy”. Grazas por vir de pé feito, nunca mellor dito, e grazas tamén por verme desde o outro lado da pantalla
A Gulpilleira, o vídeo-conto que narra unha historia de monicreques sobre a casa dunha raposa moi especial, situada nun recuncho do Museo do Pobo Galego e na que pasa longas tempadas ao quentiño. Desde alí, cóntanos contos sobre as cousas que acontecen nese monte no que adoita vivir, o monte veciñal. Pois xa anda a deixarse ver polas clases de primaria de varios colexios. Estas imáxenes en concreto son da EEI Monte da Guía de Vigo.
Recordade que se queredes saber máis sobre o contido da peza ou como solicitar esta actividade podedes escribir a servizosdeac@museodopobo.gal
O pasado 26 de febreiro os maiores que acuden aos Centros de Día de Redondela tiveron a oportunidade de gozar cunha sesión de contos moi especial creada, pensando específicamente neles, da man da Fundación Filomena Rivero Alonso e co apoio das Bibliotecas de Redondela.
Esta sesión de contos en liña reuniu a cento dez do nosos maiores ao redor dunha serie de divertidos contos da tradición oral que debullei lembrando á miña avoa.
Moitísimas grazas á Elena a bibliotecaria de Redondela por pensar en min e a Fundación Filomena pola confianza.
Moitas grazas tamén aos centros de día Os Cortizos, Galeón, Arela e á residencia de Cesantes e de modo especial ao seu persoal pola súa calorosa e agarimosa acollida.
A Biblioteca de Redondela fixo esta entrada no seu blog:
Non vos podedes imaxinar o que se desfruta contando de pel presente!!! Hoxe as nenas e os nenos de Pazos de Borbén festexaron comigo o Día de Rosalía, dicían: que muller tan moderna!!! Que valente e rebelde!!! Rosalía sempre será presente!!!
Celebrase a cuarta edición do Festival contra o cancro infantil, organizado pola asociación Bicos de Papel. Debido á situación sanitaria que todos xa coñecedes, este ano a gala realizarse de xeito virtual. A Covid-19 non poderá deter este gran evento no que se precisa mais que nunca a axuda de todos e todas.
Moi agradecida e leda estou de formar parte desta proposta para as escolas, dirixida ao alumnado de Infantil. Se queredes saber máis sobre o monte comunal entrade na Gulpilleira, un videoconto creado por min para o Museo do Pobo Galego, gravado desde a ollada feiticeira das mozas da Illa Bufarda.
Podedes ver un petisco da historia no guión gráfico que debuxei para vós!!
A Gulpilleira é unha historia de monicreques sobre a casa dunha raposa moi especial, situada nun recuncho do Museo do Pobo Galego e na que pasa longas tempadas ao quentiño. Desde alí, cóntanos contos sobre as cousas que acontecen nese monte no que adoita vivir, o monte veciñal.
Este vídeo-conto está dirixido a alumnado de toda Galicia, desde 4º de infantil a 1º de primaria.
Se queredes saber máis sobre o contido da peza ou como solicitar esta actividade podedes escribir a servizosdeac@museodopobo.gal
Cumprindo a lei 34/2002, de 11 de xuño, de servizos da sociedad da información e de comercio electrónico (LSSI), informolle que esta páxina emprega cookies. Coñece máis.
