Arredor de Xela no CEIP Do Castro de Ouro

Hoxe si que lle demos ao pedal!! A Xela non hai quen a pare. Sesión escolar co CEIP Do Castro de Ouro de Arredor de Xela no Centro Cultural de Alfoz, a terra dos “pagaíños”.  Grazas a Enma, unha das miñas antiguas alumnas do obradoiro de narración oral que imparto na Facultade de Ciencias da Educación da Universidade da Coruña, e aos seus compañeiros Borja e Lucas por programarme. Que alegría! Xente nova programando cultura!!!
 

 


 

Romaría no CEIP Ana María Diéguez de Asados

Aquí seguimos, no CEIP Ana María Diéguez de Asados (Rianzo), de Romaría con contos e lendas da nosa terra para festexar as Letras Galegas. E descubrindo novas lendas como a da Fonte culí,culí,culi.

 

Arredor de Xela na Biblioteca Ánxel Casal de Santiago

Moitas grazas a todas as familias que hoxe pola mañá viñeron ata a Biblioteca Anxel Casal, en Santiago de Compostela, para coñecer Arredor de Xela. Vímola medrar entre libros, contos, obxectos, xogos e por suposto, poemas.
 

 

Raposadas no CEIP Parada-Campañó

As derradeiras Raposadas co Salón do Libro foron hoxe, no cole Parada Campaño. Nas fotos están as raposiñas e raposiños máis pequechos, os de tres anos!!! Viñeron coa profe Maria Fanjul, unha boa amiga!

Moitas grazas ao Salón do Libro por contar comigo un ano máis!! Non hai pandemia que nos pare. Será por contos!!!!!

 

Cinema de historias da man de Alice Guy en Boiro

Este venres as familias de Boiro poideron vir desfrutar de “Cinema de historias” no Auditorio da Casa da Cultura de Boiro para coñecer a gran Alice Guy.

Agora tócavos a vós contar quen foi Alice Guy, non se pode querer a quen non se coñece! A ela debémoslle o cine como fábrica de soños.

 

Raposadas no CEIP San Martiño (Salón do Libro)

Os espectáculos de contos desta edición do Salón do Libro teñen lugar nas escolas. Hoxe fixen Raposadas no CEIP San Martiño de Salcedo. Non me digades que non son unhas e uns artistas!!!

X