5 outubro , 2023
Sempre é unha ledicia gozar das bibliotecas!!
Hoxe no CEP Plurilingüe Riomaior de Vilaboa contaron comigo para tan importante evento. Ata alí fun para desvelar a fabulosa historia da gran Alice Guy, a nai do cinema. . Grazas ao cole ao Concello de Vilaboa e tamén a Culturactiva por contar comigo.
2 setembro , 2023
“Cinema de historias da man de Alice Guy”, o meu espectáculo que mestura a narración co teatro e o cinema e pretende divertir e espertar nas crianzas de a partir de 5 anos, o amor polo cinema guiadas por la increible historia de Alice Guy, chega a San Sadurniño, dentro das actividades do Festival de Cine Chanfaina Lab de San Sadurniño.
21 marzo , 2023
-Si, Alice, todas e todos fican marabillados ao coñecer a túa fascinante vida!!! Hoxe foron dúas sesións de Cinema de historias da man de Alice Guy no CEIP Rosalía De Castro e no CEIP Flavia de Padrón.
Grazas ao Concello de Padrón, ao CIM (Centro de Información á Muller) e a Vanesa por facelo posible.
11 marzo , 2023
Grazas por vir ao Multiusos de Sabaris (Baiona) e gozar con Cinema de Historias da man de Alice Guy!!! Grazas Elena Otero Rodriguez e Yama Sama do Concello de Baiona por seguir programando pola igualdade.
Non se pode querer e admirar a quen non se coñece. Agora en Baiona as familias xa coñecen a gran Alice Guy: muller aguerrida que combateu o estereotipo da ama de casa abnegada, Alice Guy casou en 1907, tivo á súa primeira filla en 1908 e en 1910 tornouse na primeira muller en fundar un estudo de filmación (Solax). Un pouco para dar a idea do carácter de Alice, a lenda conta que en 1912, durante o seu segundo embarazo, fundou un segundo estudo en New Jersey , e durante eses meses entregou de 1 a 3 películas por semana.
8 marzo , 2023
Coñecer a vida da gran Alice Guy é visibilizar a grandes mulleres pioneiras coma ela. Esta mañán en Cogami en Mós Cinema de historias da man de Alice Guy.