24 outubro , 2012
O pasado domingo 21 de outubro, estreamos por fin a primeira montaxe da nosa nova compañía, Teatro da Semente. Tivemos dous pases, pola mañán na sala LaTuerka27. Tivo moi boa acollida por parte do público; nais, pais e os seus bebés. Dende o primeiro minuto se creou un momento máxico compartido.
Nesta sala, LaTuerka27, era a primeira vez que programaban “Teatro para Bebés”. Non só apoiaron o proxecto dende o comezo, senón que sempre estiveron colaborando con nós en todo. Grazas, Iria Ares, Milo Taboada, Daniel Currás polo voso tempo e cariño.
Grazas tamén a CasaHamlet por deixarnos ensaiar no seu local, a José Losada e Fran Moledo polas fotos, en fin a tanta xente que creu en nós. A Daniel Piñeiro polo amor e a paciencia e a miña pequena Aldara por ser a nosa inspiración.
Este soño non sería posible sen Chus Álvarez unha gran profesional e amiga.
Na Voz de Galicia nos fixeron esta reseña que capta perfectamente a esencia do espectáculo.
Tamén o blog de Latuerka27, falou do noso estreno.
Esta montaxe está pensada para espacios acolledores con capacidade de 40 ou como moito 50 persoas; para ESCOLAS INFANTÍS, Centros Sociais e Salas de Teatro.
23 abril , 2012
O luns 23 de abril, tiven o pracer de voltar a Bibilioteca Municipal de Cambados. Nesta ocasión con o espectáculo de contacontos Historias da Maletra.
As fotografías foron tomada por Jose, (coa cámara de María). Moitas gracias os dous pola vosa colaboración!
O próximo venres 4 de maio, as 6 da tarde, votarei de novo a esta fermosa bibiloteca co espectáculo “Os Libros Agochados”.
13 abril , 2012
O venres 13 de abril, os nenos do Colexio Rosalía de Castro, asistiron á representación de Nanocontos na Biblioteca da Casa da Cultura de Bóveda.
Gracias a Miriam pola súa amabilidade!
6 abril , 2012
O suplemento FUGAS, de La Voz De Galicia, publica hoxe unha reportaxe sobre os narradores orais en Galicia. Carlos Blanco, Quico Cadaval, Paula Carballeira, Cándido Pazó, Serxio Pazos e eu mesma, falamos sobre o oficio de narrar.
23 marzo , 2012
O espectáculo de Contos do Cestiño, chegou a Biblioteca Pública Municipal López Cortón de Cedeira, onde agardaban os alumnos do Colexio Nicoás del Rio de esta vila con moitas ganas de escoitar historias.
O Xornal La Voz de Galicia, reseñou a actuación na súa edición local de Ferrol:
Ángeles, a bibliotecaria, facilitoume as seguintes fotos da biblioteca. Podedes comprobar o fermosa e acolledora que é. Isto axuda a explicar que teña 2.484 usuarios entre nenos e nenas. Noraboa!
25 setembro , 2011
O domingo 25 de septembro,o xornal La Región de Ourense publicou no seu suplemento dominical “Vida” unha entrevista acompañada de duas das fotos que me fixo Fran Moledo.
Gracias a este xornal por o interés mostrado no meu traballo!
