Ven a Conto de Nadal en Esteiro
Esta tarde visitei a Biblioteca de Esteiro, con Ven a Conto de Nadal.
Caen as primeiras folerpas sobre a vila de Conto. As nenas e os nenos agardan a visita do Carboeiro.
“Hai moito tempo os mellores agasallos os traía el”-conta a señora Teresa, mentres almorza galletas sen presa. Traíanos castañas para comer, enredos de madeira para xogar e carbón, si, carbón para non pasar frío…”
Xogo a que Conto se chama esa vila na que eu moro, onde os paxaros libro me contan historias dos veciños e as veciñas. Historias para vencer a soidade, para resolver conflitos de forma positiva, para gañar amigos e perder inimigos. Todas e todos merecemos unha oportunidade para ser mellores.
Ven a Conto e cóntoche…
O deseño de cartaz e da fermosa escenografía do meu amigo Juan Juste, o Supervillano.
