Ruta Propia na Biblioteca Neira Vilas de Vigo

Esta tarde estiven con RUTA PROPIA na Biblioteca Neira Vilas de Vigo para festexar o Día das Letras Galegas adicado a María Victoria Moreno. Grazas por vir este día de sol a escoitar contos e grazas tamén ás e aos usuarios da biblioteca que estaban a estudar para exames finais. Non hai que esquecer que unha biblioteca é moito máis que unha sala de estudo. É a gran Casa dos Libros para todas as idades, tempo hai para escoitar contos, reunirse en clubs de lectura, buscar películas, estudar, ler, conectarse a internet… Non é fácil lograr esta concordia, mérito das bibliotecarias que o pelexan día a día, bravo por elas, fácil non é.