Historias da Maletra en Fontiñas (Santiago)
Dentro das actividades do Festival Atlántica, fun invitada a contar coa miña “Maletra”, no Centro Sociocultural de Fontiñas.
Contos na Biblioteca Central Rialeda
A programación do Festival Atlántica chega ata o Concello de Oleiros. Este xoves 14 de marzo, realizouse unha sesión de contacontos na fermosísima biblioteca Central Rialeda, en Perillo.
XIV Salón do Libro Infantil e Xuvenil de Pontevedra
A XIV edición do Salón do Libro Infantil e Xuvenil de Pontevedra, que se celebrou do 2 ó 23 de marzo, tivo como lema A TODA MÁQUINA.
Un ano máis estiven contando contos para os nenos dos colexios que visitaron o Salón. Impresionantes traballos fixeron os pequenos inventores. Que marabilla ver a vida a través dos seus ollos.
Mirade un dos seus inventos:
A min dende nena me encantan os reloxos, as máquinas do tempo. Así que transformeime en reloxeira. Que mellor modo de PASAR O TEMPO que contando historias?
Dentro da ampla e variada programación tamén representamos tres funcións de VIAXE A DADÁ da nosa compañía Teatro da Semente. A obra tivo moi boa acollida por parte das familias, mágoa que quedase xente fóra! Haberá que volver a Pontevedra!!!
Xa estou agardando o tema do ano que ven, cal será? A min encantaría me que fose A COMIDA, para cociñar contos a fogo lento… Ummm! Son unha larpeira!
Contos do Cestiño no Centro Comercial A Laxe (Vigo)
O meu cestiño chegou a unha feira moi grande: o Centro Comercial A Laxe en Vigo. Dentro da programación cultural que desenrola Títeres Viravolta, fun invitada a contar os meus contos para os nenos é no tan nenos que estaban alí.
Contos do Cestiño en Dorneda (Oleiros)
O meu cestiño segue a viaxar de feira en feira, enchéndose de historias, e de biblioteca en biblioteca, para que os contos saian a dar unha volta.
Nestas, chegamos a Biblioteca Mª José Ruso en Dorneda, dentro das actividades de Fomento á Lectura, que baixo o nome A Hora Do Conto, se desenrolan na Rede de Bibliotecas Municipais do Concello de Oleiros.
A Viaxe de Nano na Biblioteca Nodal de Lugo
Nano continua viaxando e viaxando, e así chegou á Biblioteca Nodal de Lugo. Os mais pequenos seguiron con moitísima atención as aventuras de Nano e Pío, e para rematar, nada mellor que un bo baile!
