O medo hai que entretelo en Betanzos

Dentro da programación Sábados Miúdos, que organiza o Servizo de Normalización Lingüistica do Concello de Betanzos, convidáronme a presentar O medo hai que entretelo: historias protagonizadas por personaxes da nosa mitoloxía popular, como trasnos, mouras, mulleres lobo e ánimas, que emerxen na noite do Samaín, cando a barreira entre o mundo dos vivos e o dos mortos se fai máis tenue. Escoitamos contos cheos de misterio ao redor do lume imaxinario e aprendemos a entreter ao medo con historias que fortalecen a tradición oral galega.