Cinema Marabillas en Valladares

Este sábado 23 de novembro,  grazas a Asociación veciñal sociocultural e deportiva O Freixo Valladares, e ao programa Culturea da Deputación de Pontevedra gozamos vendo as primeiras adaptacións cinematográficas inspiradas nos contos marabillosos e nos libros clásicos da literatura. O obxectivo de Cinema Marabillas é facerlles ver ás crianzas e ás súas familias que esas historias que coñecen poden contarse de diferentes maneiras. Que descubran que o cine mudo é unha expresión que pode resultar moi divertida.