As orixes do cinema

Dentro do ciclo de cine infantil que organiza a ANPA do CEIP Alvarez Limeses de Pontevedra, tiven o pracer de presentar unha proposta que me rondaba pola cabeza dende fai meses: introducir aos rapaces ao cine mais antiguo, o primeiro que se fixo ala nos principios do século XX. Tomando como motivo a figura do pioneiro do cine Segundo de Chomón, se proxectaron unha serie de películas de curta duración, realizadas entre os anos 1903 e 1907, que fixeron as delicias de nenos e grandes.

 

Obradoiro: contos para rodar

Durante os días 10, 17, 24 e 31 de xullo, impartín na Biblioteca Nodal de Pontevedra un obradoiro de introdución a linguaxe cinematográfica, titulado “Contos para rodar” e dirixido a rapaces de entre 9 e 12 anos. Esta actividade foi organizada por Anias Xestión e Animación Sociocultural.

A partir de dúas historias da obra “Contos por Teléfono”, de Gianni Rodari, os rapaces elaboraron o guíon, construíron títeres e o atrezzo, ensaiaron, e finalmente grabaron duas curtas: “Confundido Historias” e “Tonino ó invisible”.

Velaí o resultado:

Contos creativos na Biblioteca Nodal de Pontevedra.

Durante o mes de xullo  levei a cabo na Biblioteca Nodal de Pontevedra un obradoiro de contos creativos. Este ano o tema a tratar era os hábitos sáudables. Durante catro sesións as nenas e nenos de 4 a 6 anos participaron nuha chea de actividades aderezadas con historias moi divertidas.

Obradoiro de títeres en Salceda de Caselas

O pasado día  27 achegueime ata a Biblioteca de Salceda de Caselas para realizar un obradoiro de construcción de títeres. Para este obradoiro, a técnica escollida foi a de construcción de títeres de varilla utilizando bolsas de papel . Alí agardábanme máis de quince nenas e nenos con moitas ganas de pasalo ben!

Titere de bolsa

Obradorio de poesia en Marín

O venres 18 de maio pola tarde celebrouse na alameda de Marín un obradoiro de poesía e xogos populares co gallo da celebración do DÍA DAS LETRAS GALEGAS, a actividade foi organizada pola  ANIAS formación e xestión sociocultural. Eu impartín o obradoiro de poesía, levei varios libros de poesía de diferentes autores galegos: Gloria Sánchez, Carlos Fontes, Rosalía de Castro, Antón Cortizas, Fran Alonso, etc. A rapazada creou varios textos seguindo diferentes técnicas; fixeron caligramas, acrósticos, crearon poemas coas palabras durmidas… Tódolos traballos quedaron expostos para goce dos paseantes da alameda, abraiados ante tanta creatividade.

Dende aquí quero recomendar especialmente un libro para traballar a poesía nas aulas: VERSOS EN FLOR do fantástico poeta Carlos Fontes.

Versos en flor, de Carlos Fontes (Ed. Galaxia)

III Xornadas: “A competencia en comunicación lingüística. Un proxecto de centro”

Tiven o pracer de ser invitada a participar nas III xornadas “A competencia lingüistica. Un proxecto de Centro”, organizadas polo Centro Autonómico de Formación e Innovación (CAFI), celebradas no CIFP Politécnico de Santiago os días 23 e 24 de marzo.

A miña intervención tivo lugar o día 24: baixo o título ‘Alegoría da comunidade educativa na procura do coñecemento a través de aprendizaxes comunicativas”, representei unha  historia sobre a orixe da escritura e un conto baseado en pictogramas dos indios iroqueses.

As Zocas Faladoras, o Blog de ANIMACIÓN Á LECTURA da biblioteca do IES de POIO, fíxose eco das xornadas.

 

X