Moito contaron, moito medo pasamos, moito rimos e ata choramos!! Canta imaxinación, e que alegría comprobar que no colexio Curros Enriquez aínda está viva a tradición oral grazas ás avoas!! E ás mestras!!! Ata coñecimos lendas urbanas actuais que ocorreron en Pazos de Borbén
Grazas, José Manuel Soto Virulegio por todo!!!
Hoxe fun impartir os obradoiros de “Conto contado” para o alumnado de segundo curso de Ciencias da Educación da Universidade Coruña.E xa é o sexto ano!. Grazas a Iria e a Montse pola confianza!! A desfrutar contando para as crianzas!!
Onte pola mañá impartín varios obradoiros sobre igualdade para as nenas e nenos de educación infantil, primeiro e segundo de primaria no CEIP Alfonso VII de Caldas de Reis. E hoxe a cita foi co alumnado de terceiro, cuarto, quinto e sexto de primaria. Grazas á rapazada pola súa entrega!!! Grazas Cris, Pablo, Moisés, a Susa a orientadora, a Pilar a directora e a todo o profesorado tamén! Medrade en igualdade!!
O xornal Faro de Vigo, reseñou estas actividades:
Onte pola tarde fun convidada a contar na “Xornada Igualdade e Retos”, nova xornada de formación para profesorado na EGAP, organizada polo CAFI (Centro Autonómico de Formación e Innovación). Grazas por contar comigo, Elena, Marián e Manuel. Grazas a todo o profesorado tamén pola vosa entrega e complicidade.
Este luns impartín un obradoiro de iniciación na arte de contar contos aos alumnos de 2ºA e 2ºB de ESO do CPI “Curros Enríquez” de Pazos de Borbén.
O obxectivo deste obradoiro de iniciación foi o de intentar achegar ao alumnado o amor pola nosa lingua a través dos nosos contos e as nosas lendas para lles descubrir os nosos seres míticos, que en ocasións gardan moitas similitudes cos seres míticos doutras culturas.
O tempo foi pouquiño pero puxéronlle tantas ganas, teñen tanto que contar… que haberá que voltar!!!
O xornal Faro de Vigo reseñou este obradoiro na sua edición do 11/12/2018
No obradoiro de contos con obxectos que impartín en Barro gocei unha chea, pasaron as horas voando. Estas mulleres teñen tanto que contar. A radio antiga , o vello costureiro, a toca de mamá… gardan a súa memoria.
Son fantásticas!!! Claro que sí, están a xogar moito, lembrando moito, imaxinando moito!!! O sábado, 9 de xuño, coñecimos un pouquiño máis a estas mulleres “Cheas de Historias”. Grazas a Pilar por todo, a Roberto pola confianza e ao señor alcalde de Barro por programar estas iniciativas culturais! “DÁNDOLLE Á LINGUA”.
Podedes ver as presentacións destas magníficas alumnas no seguinte video:
O Diario de Pontevedra reseñou a presentación na sua edición do 13/06/2018:
