Somos iguais no Museo Etnografico de Castela e León
Así de ben o pasei contando Somos Iguais no Museo Etnográfico de Castela e León en Zamora:
O xornal La Opinión de Zamora fíxose eco da actuación:
Cinema marabillas, ver para ler no FICVíaXIV
Un ano máis, o Auditorio de Verín encheuse coa alegría dos nenos e nenas da comarca que participan na axenda de actividades paralelas deseñada para eles dende o FICVíaXIV.
Hoxe viñeron 300 rapaces e rapazas dos colexios CRA de Monterrei, Maria Inmaculada Verín, CEIP Amaro Refojo, do CEIP. de Medeiros e do CEIP de Vilardevos (Ourense) participaron esta mañá en “Cinema Marabillas, ver para ler”. Grazas!!!
O día seguinte viñeron as nenas e nenos de Cualedro coas súas mestras e mestres a gozar co Cinema Marabillas. E tiven unha espectadora moi especial, a miña bibliotecaria de cando era pequena!! Grazas Maria José por vir e por contarme tantos contos e recomendarme tantos libros; teatro, novelas, cómics…
Quero dar as grazas tamén a toda a equipa do festival, pola súa profesionalidade e agarimo, como cada ano!! Que orgullo ter en Verín este Festival Internacional de Curtas!!!
A Voz de Galicia reseñou o espectáculo na sua edición de Ourense do 03/12/2019:
4º Ciclo de Tradición Oral “Falar por falar” de Pazos de Borbén
E xa deu comenzo o 4º Ciclo de Tradición Oral “Falar por falar” incluído no proxecto de promoción e dinamización da lingua galega do Concello de Pazos de Borbén, cunha chea de actividades en torno a narración oral.
Eu tiven o pracer de participar cos meus espectáculos Caso pechado e Palabras na Boca.
O diario Faro de Vigo reseñou a actuación:
Ven a conto en Arcade
Festexando o día das Bibliotecas con “Ven a Conto” na Biblioteca de Arcade (Concello de Soutomaior).
«Un libro dunha biblioteca, imaxino, é un libro feliz» (Cornelia Funke)
Diario de Pontevedra 24/10/2019:
Nanocontos no Festival das Núbebes
Foi un auténtico pracer participar de novo no Festival das Núbebes de Pontevedra que cada ano medra máis, que xa alcanzou a súa VII edición. Grazas familias por vir!! Grazas a Baobab Teatro, Andrea e Óscar por contar comigo. E grazas tamén a Kai por estar pendente de todo! Bicos de ra para todas e todos!!
Co mor da representación de O xogo de Nano no festival das Núbebes, a xornalista Carolina Sertal fixo esta entrevista que O Faro de Vigo publicou o día 26 de setembro:
No verán un conto 2019. Vigo en Galego
E chegou unha nova edición do programa de dinamización da lingua galega a través de contos, monicreques e música. No verán… un conto, que cada verán organiza o Servicio de Normalización Lingüistica do Concello de Vigo.
Foi todo un pracer contar en varios parques e prazas de Vigo durante estas duas semanas. Aquí vai un resumo do meu periplo:
O 27 de xullo saiu o sol e as rapazas e rapaces viñeron á Romaría na Alameda de Bouzas. Agora a contar as lendas vós para que non se perdan!! Grazas por escoitar!!! Grazas ao concello e ao Departamento de Normalización lingúística por contar comigo!! Grazas, Paz da Asociación Cultural de Bouzas por traer as colchas para xs nenxs. E por suposto, mil grazas Ana Facchini por estar pendente de “todo”, vales un potosí!!!
O 26 de xullo “Dámoslle volta ao conto” na Praza Ameríca. A ruleta dos contos non parou de dar voltas.
Coñecimos a historia da miña avoa, a Brixida, con 14 anos xa gañaba para manter a familia, non foi á escola, pero o que ela sabía…Os cálculos todos de cabeza. Ao chegar a noitiña montaba na burra para atravesar a Raia Seca e voltar cargadiña de café, aceite, sabas,… de Portugal. O estraperlo. Ela, a miña avoa, era outra muller valente e revolucionaria como tantas. Ela contoume contos que eu descoñecía, de mulleres donas do seu destino e de homes que se liberan da máscara da masculinidade e permítense mostrar a súa sensibilidade”.
Grazas por escoitar!! Que alegría ver a praza chea!! Grazas, Chus e AETRAVI (As Travesas)
O 18 de xullo a Romaría tivo lugar na rúa de Londres, ás 20:00 h, detrás do Marco, en Vigo. Lendas de mouras encantadas, de sacos que falan e outros contos de onte que se manteñen vivos hoxe.
O 13 de xullo chovía en Vigo, entón a contada prevista na zona de herba de As Teixugueiras de Navia trasladouse aos soportais da Cafetería Match Point no ximnasio “Más que Agua”. Ao final, a pesar do vento e a chuvia, as familias de Navia achegáronse á Romaría. Había fame de contos!. Grazas, un ano máis a Asociación Veciñal Novo Vigo por contar comigo.
O 11 de xullo coñecín un novo parque en Vigo, o parque da Congosteira, no barrio de Santa Rita. Alí nos xuntamos á sombra das árbores para desfrutar cos contos. “Dámoslle volta ao conto”. Grazas por escoitar!!
Ata o próximo conto!!!!!