9 maio , 2021
Quedou tarde de cine!! Grazas familias de Ribadeo por entrar no Cinema Marabillas. Non faltou aventura, humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cine. O cinema tamén se le.
O xornal La Voz de Galicia, fíxose eco da actuación:
3 maio , 2021
Bo día!! Hoxe comparto con vós esta fabulosa entrevista que me fixeron no xornal La Opinión de Zamora.
Grazas Beatriz, foi un pracer charlar contigo.
Enlace á entrevista en La Opinión de Zamora
(Descargar a entrevista en PDF)
22 abril , 2021
Que tripulación máis riquiña e valente atopei na Biblioteca de Silleda, fomos na procura de contos que falan de igualdade. Houbo debate, iso é bo!! Grazas Teresa e Mónica!! Grazas por seguir pelexando polas actuacións presenciais. Ata o próximo conto!
O xornal La Voz de Galicia, fíxose eco da actuación:
15 abril , 2021
Moitísimas grazas, Susana Pedreira pola entrevista tan entrañable de hoxe en Onda Cero Pontevedra.
Ups!! confundín Berrobambán teatro con Baobab teatro…Que cabeciña! . Con Berrobambán tamén estiven…Son tantas persoas as que tería que dar as grazas por axudarme no meu camiño, que non tiven tempo de mencionalas a todas!!!
Gustoume moito a entrevista. Semella unha conversa de amigas poñéndose ao día. Agora faltarían as miñas preguntas sobre ti, Susana, e a túa arte!!
Apertas!!! Ata a próxima historia
Cada xoves tomamos a última con pontevedreses, de nacemento ou de corazón, que nos falan dos seus proxectos. Unha charla coloquial e distendida que esta semana ten como protagonista a Raquel Queizás, contadora de historias, actriz, titiriteira e filóloga. Neste enlace directo á nosa web (Onda Cero) podes volver escoitar a entrevista con Susana Pedreira en “Más de Uno Pontevedra”.
20 marzo , 2021
E continúo a festexar o Día da Narración Oral na Carballeira de Conxo, preto do Centro Cultural Aurelio Aguirre, en Santiago de Compostela.
Grazas o Festival Atlántica por contar comigo unha vez maís!, e grazas a Xaime Cortizo polas marabillosas fotografías.
Feliz Día da Narración Oral e do Teatro, son Artes Irmás!!!!
20 marzo , 2021
Hoxe, 20 de marzo, festexamos o Día Internacional da Narración Oral. Moitas narradoras e narradores compartimos contos por moitos lugares de Galicia.
Pola mañá, tiven o pracer de contar Raposadas no Centro Cultural Lustres Rivas de Ribeira. Moi ben o pasamos!:
O Diario de Arousa fíxose eco da actuación: