6 agosto , 2021
Hoxe desfrutando, contando para as famílias de Verín. Unha alegría volver ver a Vicente a Aurori e as voluntarias da Biblioteca de Verín!!
“A miña avoa, con 14 aniños xa gañaba para manter á familia, non foi á escola, pero o que ela sabía…Os cálculos todos de cabeza. Ao chegar a noitiña montaba na burra para atravesar a raia seca e voltar cargadiña de café, aceite, sabas,… de Portugal. O estraperlo. Outra muller valente e revolucionaria como tantas.
Ela contoume contos que eu descoñecía, de mulleres donas do seu destino e de homes que se liberan da máscara da masculinidade e permítense mostrar a súa sensibilidade.
E os contos seguen en Verín todo agosto!!!!
30 xullo , 2021
Quedou unha fermosa noite en Cabo de Cruz, no Concello de Boiro, para desfrutar de Cinema Marabillas.
Non faltaron aventuras , humor, misterio, tenrura, maxia, fantasía e sobre todo moita imaxinación.
Grazas por vir familias!!
Grazas ao Concello de Boiro por contar comigo, grazas Pitusa e Sebastián por estar pendentes de todo.
7 xullo , 2021
Onda min no Pavillón dos Tilos (por mor da chuvia no puido ser no parque, mágoa!), para as nenas e nenos de 3 a 7 anos do Campamento concilia. Grazas ao Concello de Teo, a Tati de Arc Os Tilos e a Nacho, e por suposto ao Festival Atlántica. Que sigan os contos!!!
Grazas O diario Nos que reseñou esta actuación
25 maio , 2021
Encantada de compartir con vos esta fantabulosa entrevista que fixo dende a revista AMSGO! de Ames, Paco Cortez, sobre Arredor de Xela, o meu particular homenaxe á gran Xela Arias.
Enlace a AMSGO!
9 maio , 2021
Quedou tarde de cine!! Grazas familias de Ribadeo por entrar no Cinema Marabillas. Non faltou aventura, humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cine. O cinema tamén se le.
O xornal La Voz de Galicia, fíxose eco da actuación:
3 maio , 2021
Bo día!! Hoxe comparto con vós esta fabulosa entrevista que me fixeron no xornal La Opinión de Zamora.
Grazas Beatriz, foi un pracer charlar contigo.
Enlace á entrevista en La Opinión de Zamora
(Descargar a entrevista en PDF)
