20 setembro , 2013
A miña Maletra e eu, seguimos a nosa viaxe polas bibliotecas de Galicia. Este venres 20 de setembro, tivemos a sorte de chegar por primeria vez á Biblioteca de Chapela, en Redondela.
Un público de todas as idades, moi participativo, gozou moito das historias que xurdian da Maletra, e non é que o diga eu:
Da súa “maletra” chea de letras, Raquel Queizás extraeu historias cheas de maxia.
Contos fermosísimos como: “A princesa ratiña”, “O Papón” e mais “Que bicho tan raro” fixéronnos pasar unha excelente tarde a todos os presentes, tanto a os cativos como aos adultos.
E porque ademáis de historias divertidas e moi ben contadas, son historias con mensaxe moi interesante, sobre o coñecemento persoal, a autoaceptación, a bondade e a xenerosidade…
Interacción con rapaces e adultos, que se converteron en improvisados actores, mímica, títeres de luva ou culleres de pau… deron vida a unhas historias xeniais, que nos quedarán na lembranza a todos.
(do blog das bibliotecas de Redondela)
15 setembro , 2013
Da man da miña Maletra (ou era o revés?), o caso é que unha da man da outra chegamos a Casa da Cultura do Concello de Valga.
O espectáculo foi anunciado na edición local do Faro de Vigo.
20 agosto , 2013
Pontecaldelas celebra as suas festas, e que mellor excusa para achegar os contos os mais pequenos da vila. Dentro do programa Ler conta moito, fun convidada a visitar coa miña Maletra chea de historias, a fermosa Biblioteca Pública Municipal.
14 agosto , 2013
Tiven o pracer de regresar a fermosa Biblioteca Municipal Juan Fernández Latorre, de Ortiguiera, nesta ocasión coa miña Maletra coma equipaxe.
Gracias a Biblioteca por esta fotografía, tomada do seu blog
Podese consultar a entrada desta actuación no blog do programa Ler Conta Moito
14 xuño , 2013
Nanocontos, o espectáculo de contos para os máis pequenos (de 0 a 3 anos), continua a súa xira polas bibliotecas de toda Galicia. Nesta ocasión Nano e máis eu visitamos a Biblioteca Pública de Celanova, onde os alumnos da Escola Infantil Municipal nos agardaban desexando coñecer as aventuras de Nano.
Podedes ver mais imáxenes da actuación no blog de Ler Conta Moito.
5 xuño , 2013
Este mércores 5 de xuño, eu e a miña Maletra chegamos a sala infantil da Biblioteca Municipal de Ferrol dentro do programa Ler Conta Moito. Era a vez primeira que visitaba este espazo, o que agardo volver pronto!
