Chegamos antes do amencer a Lima, desde Oxapampa, o que nos permitiu ollar unha desacostumada estampa da cidade: Lima sen apenas tráfico!.
Esa mesma mañá regresamos ao Canal 7 onde fun entrevistada por Fátima Saldonid para o programa cultural Metrópolis.
E as oito da tarde a representación de Palabras en la boca, no Centro Cultural Ricardo Palma, en Miraflores (Lima), acompañada por Nataly Tumialán do Grupo Infantil de Narración Oral como Nova Voz. As Novas Voces é unha interesante iniciativa que se realiza no marco do Festival e que consiste en facilitar encontros para compartir experiencias entre narradores de distintas procedencias.
E despois de cenar no barrio de Miraflores, a descansar, xa que a mañá seguinte tomaríamos un avión rumbo a cidade de Cusco, onde continuarían as actividades do Festival.
Alí falamos do Festival e promocionamos a representación do espectáculo de narración oral “Lo que Dulcinea tiene que contarte” que esa misma tarde tería lugar no Museo de Arte de Lima (MALI):
Pola noite, en compañia dunha das voces novas do Festival, Alfonso “Fonchy” Mendoza, collemos o autobús nocturno que nos levaría tras once horas de serpear pola estreita estrada que une Lima con Oxapampa, no departamento de Pasco.
Alí agardaba por nós un todoterreno do serenazgo (policía municipal) que nos trasladou ata a Comunidade Nativa Yanesha de Tsachopén.
Aquí encontrámonos con Edwin Eduardo Ortiz Espíritu, un fascinante narrador Yanesha que foi ademáis o noso excelente anfitrión durante a nosa estadía.
Esta mesma tarde Fonchy mais eu actuamos na Casa Comunal da Comunidade. xunto a Edu Ortiz, que nesta ocasión non narrou, seno que actuou co seu elenco de danza tradicional Yanesha.
Edu Ortiz (primeiro pola esquerda) e o elenco de danza tradicional Yanesha:
O dia seguinte, luns 14 de setembro agardábanos un intenso percorrido por outras poboacións da rexión. Pola mañá narramos no salón de actos do Distrito de Chontabamba:
Despois de almorzar, dirixímonos de novo a Oxapampa, onde nos agardaban no Salón de Actos da Municipalidade.
Representantes da municipalidade entrégannos un obsequio trala representación:
E despois de cenar, tomamos de novo o autobús nocturno que nos levaría de regreso a Lima.
A Asociación Cultural Wasi, organiza dende o 2011 o Festival Internacional de Narración Oral do Perú: TODAS AS PALABRAS, TODAS!. É un proxecto sociocultural que congrega a narradores de varias partes do mundo xunto a representantes peruanos (profesionais e novas voces). De este xeito buscase promover a identidade cultural, a diversidade, a integración, a valorización e o coidado da memoria dos pobos, o respecto ás diferencias, a promoción da lectura e o desenrolo económico sostible.
As actividades promovidas polo Festival nesta V edición tiveron lugar de xeito simultánea en nove rexións do Perú: Lima, Loreto, Amazonas, La Libertad, Cusco, Arequipa, Ayacucho, Áncash, e Pasco, dende o 28 de agosto ata o 22 de setembro.
Partín do aeroporto de Santiago de Compostela rumbo a Lima o xoves 10 de setembro, con mi cestiño coma equipaxe de man e nada mais nin nada menos que declarar na aduana que estaba cheo de contos e historias. Un traxecto de 11 horas que grazas á maxia dos usos horarios, apenas durou 3 horas no tempo oficial 🙂
O vernes 11 de setembro comecei a xira no emblemático Vichama Teatro, en Villa El Salvador. Esa mañá Dulcinea contoulles o que les tiña que contar ós rapaces que enchían o teatro.
Despois de almorzar regresamos ao metro de Lima, onde ten lugar outra interesante iniciativa: as historias pasaxeiras Na liña 1 do Metro, dende a estación La Cultura ata Villa el Salvador, en compañía dos contadores Bolo Bautista, Silencio El Viajero e Gonzalo Paiva narramos contos para os viaxeiros. Esta actividade vense realizando dende o ano 2012.
Uns intres de descanso na estación antes de comezar un novo traxecto:
Despois de facer en dúas ocasións o traxecto “La cultura – Villa el Salvador” regresamos ao Teatro Vichama para una función colectiva na que participaría cos narradores Bolo Bautista, Miguel “El Chato” Álvarez, Walner “El Duende” Jaramillo e Silencio El Viajero.
De esquerda a dereita; Miguel “El Chato” Álvarez, Cosset González, César “Wayqui” Villegas, eu misma (Raquel Queizás), Daniel Piñeiro, Bolo Bautista, Gonzalo Paiva Villafuerte, Walner “El Duende” Jaramillo e sentados Bolo Bautista e Silencio El Viajero:
E así foi o meu intenso primeiro día en Perú, en Lima e no Festival Todas as Palabras Todas!
Do 10 ao 25 de setembro andarei dando unha volta por Perú. Grazas a invitación do Festival todas las palabras, todas, estarei contado en Lima, Cusco, e Pasco entre outros lugares de Perú.
Xa de volta, chea de experiencias, deixo uns breves resumos das miñas andainas por Perú:
Nano e mais eu tivemos o pracer de ser convidados a participar na II Festival das Nubebés. Este festival de artes escénicas para bebés e familias se celebrou en Pontevedra dende o venres 19 ata este domingo 28 de setembro, cun moi notable éxito de público nos diversos espectáculos para os mais pequenos, así coma nas actividades para profesionais.
No fermoso espazo da Casa das Campás, na zona histórica de Pontevedra os mais pequenos desfrutaron cos Nanocontos, a historia de Nano, a ra que non sabía compartir:
A Casa da Cultura do Carballiño foi o escenario ideal para o espectáculo de contos Nanocontos, dentro da programación do Festival de Teatro Galego (FETEGA) que se celebra anualmente nesta vila ourensana, e que este ano acadou xa a súa 25 edición.
Grazas á organización de FETEGA por programar tamén para os máis pequechos, que serán o público adulto do teatro de mañán.
A criança que fui chora na estrada. Deixei-a ali quando vim ser quem sou; Mas hoje, vendo que o que sou é nada, Quero ir buscar quem fui onde ficou.
Fernando Pessoa
A infancia deixa rastros na nosa memória, como surcos nun rosto ou nun campo labrado.
Cumprindo a lei 34/2002, de 11 de xuño, de servizos da sociedad da información e de comercio electrónico (LSSI), informolle que esta páxina emprega cookies. Coñece máis.
