Contos do Cestiño na Sala Kontainer de Bilbao

Gracias aos amigos da Sala Kontainer, a Raquel, a Diego, a Rafa, a Laurent, a Igor,… o meu cestiño viaxou ata Bilbao. Dúas representacións, o sábado 12 e o domingo 13 neste espacio tan activo. Ademáis de visitar a unha boa amiga, aproveitei a viaxe para facer algo que tiña pendente fai tempo, CLASES DE CLAQUÉ! Paseino pipa, sempre me gustou bailar claqué, xa de pequena intentaba imitar a Fred Astaire. O curso foi impartido por Rafa Eizaguirre. Estou intentando que veña a Galicia a dar un obradoiro de cinco días, asi que xa sabedes… mantereivos informados. Con el virá un fotógrafo espectacular, Laurent Leger Adame, el fixo as fotos que vedes aquí embaixo e ademáis fíxome un book. Se estades interesados nalgunha sesión de fotos, é o momento.

Nanocontos na Biblioteca Central de Vigo

Estrea da segunda parte  Nanocontos, o espectáculo de contacontos e manipulación de obxectos para bebés (de 0 a 3 anos) na Biblioteca Central de Vigo. Nano continua as súas aventuras e no seu camiño atópase con Dara, unha porquiña moi espelida que lle vai cambiar a vida.

Está a piques de saír do forno a terceira parte de Nanocontos. Non vola perdades!

Contos na Biblioteca de Cambados

Este venres regresei a Casa dos Fraga, a fermosa sede da Biblioteca Municipal de Cambados, co meu espectáculo de contos mais recente: Os Libros Agochados.

Contos do Cesiño en Mos

Dentro programa Ocio en Familia, da Concellería de Participación Cidadá do Concello de Mós, o espectáculo de contos Contos do Cestiño chegou o Multiusos das Pozas.

Todos os últimos domingos de cada mes, a Concelleria de Participación Cidadá organiza actividades co obxectivo de “ofrecer alternativas de ocio saudable para todos os públicos, promover a participación e o divertimento das familias de Mos, mellorar e aumentar os momentos de lecer compartidos nos membros de cada familia, proporcionar ferramentas ás familias para a súa propia xestión de ocio saudable e propiciar a interactuación e o contacto entre as diferentes familias do Concello.” 

Historias da Maletra en Cambados

Historias da Maletra en Cambados

O luns 23 de abril, tiven o pracer de voltar a Bibilioteca Municipal de Cambados. Nesta ocasión con o espectáculo de contacontos Historias da Maletra.

As fotografías foron tomada por Jose, (coa cámara de María). Moitas gracias os dous pola vosa colaboración!

O próximo venres 4 de maio, as 6 da tarde, votarei de novo a esta fermosa bibiloteca co espectáculo “Os Libros Agochados”.

X