Rematada unha intensa xornada de “SOMOS IGUAIS. Contos pola igualdade” polos colexios de Caldas de Reis, grazas ao Concello de Caldas e a Deputación de Pontevedra. Foron catro representacións no CPI Alfonso VII, CPR La Encarnación, CEIP San Clemente e no CPR San Fermín. Todo un pracer!!
Que pracer voltar a Betanzos! A viaxe de Nano chegou á sala azul do edificio Arquivo, no marco da programación Sábados Miúdos organizada polo Concello de esta vila.
Este venres, 1 de marzo, ás 18h na Biblioteca de Pontevedra fumos de Travesías na procura de historias de nenas e mulleres bravas que loitaron para conseguir os seus soños!! Foi unha viaxe na que a través de escolmas de narracións coñececimos e aprendimos que valores como a valentía , osadía , coraxe….non entenden de xéneros.
Esta tarde na Biblioteca Pública de Ourense moi ben o pasamos con Nano e Dara: as aventuras desta ra que medra aprendendo galego cos contos que eu invento.
Rematou a xornada!! Compartín O SEGREDO DO TENDAL coas familias na Biblioteca de Caldas de Reis, moito me gusta o meu traballo!! Grazas Rosa e Cris De Caldas por contar comigo!!
Alá van tres Travesías polos coles de Betanzos. Grazas tripulación pola vosa entrega!!!
Co obxectivo de promover o emprego oral da lingua galega e potenciar o seu uso entre as nenas a través de actividades baseadas en contidos de igualdade e dinamización lingüística, o Concello de Betanzos programou o espectáculo de contos Travesías.
Vémonos de novo o 23 de abril con novas aventuras!
Grazas tamén ao meu pé esquerdo por dar “apoio” ao meu pé dereito! Nunca me sentín tan Pirata, como Mary Read, Anne Bonny e Madame Ching. Fotos de Daniel Piñeiro, o meu outro pé.
