Raposadas na Biblioteca de Rialeda, Oleiros
Unha contada de Raposadas moi especial, un público entregado!! Na que ademais tiven a honra de recibir a visita da profesora Ángela e dalgunhas alumnas do obradorio Conto Contado que impartín precisamente onte na Facultade de Ciencias da Educación da Universidade da Coruña. Ver o seu apoio e paixón polos contos despois de compartir técnicas de narración foi un agasallo!
Obradoiro “Conto Contado” na Facultade de Ciencias da Educación da Universidade da Coruña
Que privilexio volver á Universidade da Coruña para impartir o obradoiro de narración oral inclusiva CONTO CONTADO! Unha xornada inesquecible que uniu a alumnado de Espazo Compartido e futuras/os mestras/os de 2º de Infantil da Facultade de Ciencias da Educación.Aprendemos a usar o conto como ferramenta educativa e expresiva
Voz e Dicción: Técnicas para atrapar ao público infantil.
Corpo e Xestos: Dando vida aos personaxes, fomentando a expresión emocional.
A creatividade, a imaxinación e a inclusión foron as nosas claves para xerar confianza e comunicación entre todas e todos os participantes.Grazas por esta experiencia tan enriquecedora e chea de maxia! ✨ Unha ledicia volver a compartir con vós. A seguir xogando cos contos!
Grazas polas vosas verbas:
O obradoiro foi impartido pola filóloga, actriz e titiriteira Raquel Queizás, quen nos guiou nunha viaxe polos contos clásicos como “Os 7 cabritiños”, “O coelliño branco” e “A galiña roxa”.Durante a sesión aprendemos a contar contos como ferramenta educativa e expresiva, practicando técnicas para proxectar a voz, coidar a dicción e manter a atención do público infantil. Tamén exploramos como crear personaxes empregando o corpo, os xestos e a postura, favorecendo a expresión emocional e a representación de diferentes situacións.Ao longo da actividade salientouse a importancia da creatividade e da imaxinación como claves para fomentar a participación, a confianza e a comunicación entre todas e todos os participantes. Unha experiencia divertida, enriquecedora e chea de maxia. Grazas por convidarnos a compartila!
Cinema de Historias da man de Alice Guy en Carballo
Non podemos cambiar o exilio histórico ao que foi condenada durante décadas, por ser muller, pero si podemos facer xustiza con ela a partir de agora. É tan sinxelo como contar a súa historia. Porque ademais é unha fantástica historia: todo empezou cun soño, un xefe que a subestimaba e uns repolos máxicos. Quen non querería coñecer a vida de Alice Guy? A nai do cinema.
As familias de Carballo achegáronse onte pola tarde ata as Escolas do Xardín Agra de Caldas para descubrila.
O rematar recomendei, como fago sempre, libros para seguir investigando sobre ela, como “Unha veciña de película” da gran Iria Misa. Por último, tivemos unha riquísima merenda.Grazas por vir!! E grazas a Carmen, a Cristina e a Maica Ures (Concelleira de Igualdade) por contar comigo.
Cinema de Historias da man de Alice Guy en Rianxo
Visibilizar o contributo das mulleres ocultas durante séculos é importantísimo e moi necesario para medrar con referentes femininas e poder vibrar en harmonía como mulleres libres. Grazas mestras e rapazada do CEIP Ana María Diéguez pola vosa atención e agarimo. Agora xa sabedes o marabillosa e valente que foi a gran Alice Guy, e non o tivo nada fácil.
Grazas de novo ao CEIP Ana María Diéguez de Asados (Rianxo) por facer posible esta función no Auditorio de Rianxo, e grazas tamén polas fermosas verbas sobre o espectáculo:
Hoxe 25N trasladámonos ao auditorio para gozar do espectáculo de Raquel Quizás: Cinema de historias. Unha proposta fascinante que nos levou a descubrir a vida de Alice Guy, unha das grandes pioneiras do cinema mundial, creadora valente e imaxinativa… e tamén unha muller silenciada durante décadas pola historia oficial.Neste Día Internacional contra a Violencia de Xénero, lembramos a importancia de dar voz ás mulleres borradas, ás que abriron camiño e ás que aínda loitan por ocupar o lugar que lles corresponde.
Cambio e Conto en Cariño
Nano é o irmán maior, Nona é a irmá pequecha. Xuntos fan un gran equipo, medrando en igualdade…
Que ben o pasamos no Punto de Atención a Infancia de Cariño coa sua historia!
Cambio e Conto en Betanzos
Nano está moi feliz, naceu o súa irmá máis pequena, Nona, e vai coidar dela. Pero ao chegar a noite Nona non quere ir á cama. Nano ten unha misión, conseguir durmir a Nona sexa como sexa. Cambio e Conto nos Sábados Miúdos que organiza o Concello de Betanzos
Romaría en Coristanco
Onte xoves, 20 de novembro, contei para as familias de Coristanco Romaría contos e lendas da nosa terra poñendo no centro á Muller do Rural. Público incrible e moi participativo!
Grazas tamén polos agasallos e por esas patacas fritidas de Coristanco (As mellores do mundo mundial1)
Ata o próximo conto!!
Na túa man. Contos pola igualdade no CEIP Carballal-Cabral
O CEIP Carballal de Cabral (Vigo) crea un Mundo Violeta!
Hoxe celebramos no CEIP Carballal de Cabral o seu merecido 2º Premio do Certame de Poesía organizado pola Deputación de Pontevedra, cunha sesión especial de contos: “Na túa man. Contos pola igualdade”! Inspirada pola fascinante historia de Nellie Bly, viaxamos arredor do mundo para falar de:
1. Igualdade de oportunidades.
2. Identificación da violencia machista.
3. A importancia de que a rapazada axude e sexa protagonista do cambio.
O alumnado de Infantil e Primaria demostrou unha escoita exemplar e un agarimo incrible.Grazas á Deputación de Pontevedra por facelo posible, e ao CEIP Carballal por escollerme e pola súa entrega!Lembrade: Está na túa man, na nosa man, conseguir un Mundo Violeta
Romaría en Laxe
Lembranzas en Laxe: Unha “Romaría de Contos”
O Auditorio de Laxe acolleu este 15 de novembro unha das miñas sesións de contos, cargada de emoción, memoria, historias de vida e tradición: a actuación de Romaría: Contos e lendas da nosa terra.
O espectáculo, que recupera a esencia das xuntanzas e romarías de antes, converteuse nunha sesión entrañable onde as espectadoras non só escoitaron, senón que tamén se converteron en protagonistas.Grazas por compartir a vida!Quero agradecer a todas as persoas que asistiron e, de xeito moi especial, a aquelas que con tanta xenerosidade compartiron as súas vivencias e anécdotas.
Fixestes do Auditorio de Laxe un auténtico fogar de lembranzas.
A cultura galega é isto: un tesouro que construímos e compartimos xuntas!Grazas tamén ao Concello de Laxe e a Deputación da Coruña por contar comigo.
Nano vai á escola en Carnota
Nano vai á Escola en Carnota!! Este venres, 14 de novembro, o Salón de Actos do Concello de Carnota encheuse de ledicia e das risas das máis cativas.A sesión estaba dirixida ás nosas cullarapiñas de 1 a 5 anos e ás súas familias, e o resultado non puido ser mellor: foi un éxito rotundo!
As nenas e os nenos, xunto cos seus pais e nais, mergulláronse nas aventuras de Nano, demostrando que medrar coa nosa lingua é unha experiencia chea de emoción e aprendizaxe. Quedou curta! A mellor proba do ben que o pasaron? Que a sesión se lles fixo curta! Houbo que facer un esforzo para marchar, pois as pequenas e os pequenos (e algún que outro adulto!) non querían que a aventura rematase…Quero agradecer a todas as familias de Carnota por participar con tanto entusiasmo e ao Concello de Carnota por apostar polo programa APEGO e por iniciativas que promoven o uso do galego dende a primeira infancia.
Cinema de Historias da man de Alice Guy no CEIP Campomaior de Ordes
Xornada de Cinema de Historias no CEIP Campomaior de Ordes! Que mañá máis especial e enriquecedora vivimos en Ordes! Moitísimas grazas ao CEIP Campomaior pola fantástica acollida á miña actuación sobre Alice Guy, a auténtica pioneira do cinema de historias.Foi unha alegría inmensa compartir a figura de Alice e a súa crucial contribución coa rapazada e o profesorado.
A vosa curiosidade e entusiasmo son a mellor recompensa!Un agradecemento especial tamén polos agasallos tan agarimosos que me fixestes.Levádesvos un anaco do meu corazón! Agardo que tamén vos gusten os libros recomendados, entre eles “Unha veciña de película” da gran Iria Misa.
Esta actividade foi posible grazas ao apoio da Asociación Socio-Pedagóxica Galega (AS-PG). É fundamental seguir visibilizando e coñecendo a estas novas referentes de mulleres que cambiaron a historia.Seguimos espallando a cultura e a igualdade!
Somos Iguais no CEIP Vedas da Barreira
Xornada de igualdade e diversión no CEIP Vendas da Barreira!
Hoxe tivemos unha mañá incrible compartindo con todas e todos vós “SOMOS IGUAIS: Contos pola Igualdade”‘. Grazas a todo o alumnado, familias eprofesorado por participar con tanto entusiasmo e por escoitar con tanta atención as historias de igualdade e respecto.
Moitísimas grazas á ANPA do CEIP Vendas da Barreira pola organización impecable e por facer posible que contos coma estes sigan chegando ás escolas.
Lembrade que esta actividade foi subvencionada polo Pacto de Estado contra a Violencia de Xénero. Seguimos tecendo a rede da coeducación!
Moitas grazas ao CEIP de Vedas da Barreira polas suas verbas e o video que publicaron no seu blog:
Dámoslle volta ao conto. Contos pola igualdade en Baiona
Esta semana vivín unha marabillosa aventura polos colexios de Baiona (CEIP Fontes, CEIP Belesar, CEP Sabarís, EEI O Areal, Galescola Baiona e CEPI Cova Terreña) con Dámoslle volta ao conto, unha actividade que me levou por todos os centros educativos do municipio. Máis de 300 nenas e nenos de educación infantil e primeiro ciclo de primaria participaron nesta proposta chea de historias, emocións e reflexións.
Con contos tradicionais de diferentes culturas, obxectos e monicreques, propuxen darlles a volta ás historias para romper roles e estereotipos sexistas, e facer visible que todas e todos podemos ser protagonistas, sen importar o xénero. Moitas destas historias naceron da tradición oral e das lembranzas da miña avoa, que sempre me inspirou a contar e a mirar o mundo con ollos curiosos e libres.
Esta actividade formou parte do programa Baiona Lila, impulsado pola Concellería de Igualdade, dirixida por Sheila González Martins, e contou co apoio da Deputación de Pontevedra dentro do programa de sensibilización en igualdade e prevención da violencia machista.
Moitas grazas de novo pola vosa escoita e participación! Quero agradecer de corazón a todos os centros educativos que me acolleron en esta xira de Contos pola Igualdade co espectáculo Dámoslle Volta ao Conto e Nano e Dara.
A vosa escoita activa, as vosas preguntas e a vosa participación foron a mellor recompensa e o mellor impulso para seguir traballando con máis forza! .
E por suposto, un agradecemento moi especial ao Concello de Baiona pola súa confianza en min e na forza transformadora dos contos para promover a igualdade. Sen o voso apoio, isto non sería posible.
💜🚀 Seguimos a darlle volta aos contos e ás ideas!
Cinema de historias da man de Alice Guy en Mondariz
Cantas amigas do Concello de Mondariz marcharon do Auditorio con ganas de ver máis películas desta xenia, pioneira do cinema. Agora xa coñecen á gran Alice Guy, a nai do cinema. Grazas por vir, grazas por contar comigo!!
O Eco das Pedras en Coristanco
Non se pode querer nin valorar a quen non se coñece… A moura, a nubeira son as nosas heroínas, superheroínas. Xa vimos que non teñen nada que envexar á muller marabilla, por exemplo. Grazas, Concello de Coristanco por deixar entrar na vosa biblioteca O Eco das Pedras.
E grazas tamén polas fermosas verbas:
Hoxe gozamos dunha mañá chea de emocións e contos que falan da nosa terra, da memoria e das historias que permanecen gravadas nas pedras. Agradecemos a Raquel Queizás (Queliña) por achegarnos unha proposta tan fermosa, coidada e inspiradora, capaz de conectar co público de todas as idades e facer vibrar a nosa biblioteca. Un verdadeiro pracer recibirte unha vez máis en Coristanco, enchendo de vida e palabras este espazo.
Caso Pechado no IES Escolas Proval
Veño de compartir a miña paixón polas historias de suspense, de misterio coa rapazada de terceiro da ESO na biblioteca do IES Escolas Proval de Nigrán, co espectáculo Caso Pechado.
Grazas pola vosa atención e grazas tamén por axudarme a resolver o último, que non o derradeiro, caso. Agradecida, tamén, a Iria Misa por facelo posible e a Eva da biblio por estar pendente de todoooo!!! Ata a próxima historia!!!
Grazas ao Instituto polas súas fermosas verbas: A incomparable @raquelqueizas visitounos co seu espectáculo “Caso Pechado”, unha viaxe chea de misterios, historias arrepiantes e moita imaxinación. As luces baixaron, os silencios falaron… e o público non perdeu detalle
Cambio e conto en Nigrán
Que mellor maneira de celebrar o Día das Bibliotecas que vivindo aventuras con vós!
Hoxe na Biblioteca de Nigrán puidemos desfrutar con “Cambio e Conto”, as aventuras de Nano a ra e a súa irmá Nona.
A pequena Nona non paraba quieta, non quería durmir, pero entre obxectos, monicreques e un bo conto (sacado, por suposto, da súa biblioteca favorita conseguimos que entrase no mundo dos soños!
Grazas a todas as familias por vir e compartir esta tarde tan especial chea de risas, emocións e moita maxia. As bibliotecas son un tesouro, e a de Nigrán é unha xoia!
Raposadas en Trazo
Hoxe fixen Raposadas acompañada da rapazada do Centro Público Integrado Pequeno de Trazopara festexar o Día da Biblioteca. Grazas tamén a Elena do Concello de Ttrazo e a Deputación da Coruña por facelo posible. Seguimos!!
Elas sempre contan en Sarria
Hoxe estiven contando na Casa da Cultura de Sarria, dentro da IV Mostra de Teatro Iván Tourón Morais. Tiven a sorte de presentar a miña sesión de contos pola igualdade Elas Sempre Contan.
Este espectáculo de narración oral é un recoñecemento ás escritoras que loitaron e loitan por facer visible o seu traballo e as súas voces. A través de contos e manipulación de obxectos, achegamos ao público (neste caso, especialmente ao público familiar e infantil) as historias das miñas escritoras favoritas.Grazas de corazón a todas as persoas que enchedes o auditorio e que facedes que a cultura galega siga viva e que as “elas” non deixen de contar.
Foi unha gozada!💜
Magosto con Nano en Oleiros
Moi bo día! É tempo de magosto!! Xa o festexamos o pasado mércores na Biblioteca de Santa Crux cas familias cullarapiñas do Concello de Oleiros.
A Maleta da Avoa no Valadouro
Onte, na XXXVIII Feira do Mel do Valadouro, botamos contos de A maleta da avoa para unha chea de doces familias.
Logo mercamos mel, marmelada, fabas, chourizos, requeixo…Un auténtico tesouro! Grazas, Suso, e ao Concello do Valadouro por pensar en min.
A Maleta da Mestra en Tirán
A unha antigua escola, agora Centro Sociocultural Castroviejo, Axencia de lectura de Tirán (Moaña), chegou a nova mestra, á que todos chamaban “Pisapouquiño” cargada de contos, adiviñas,e historias verdadeiras sobre o pasado da nosa lingua. A letra con xogo entra!!
Moitísimas grazas por vir, familias!! E grazas tamén a Dolo polas fotos e a Vida por signar.
Cinema Marabillas en Cee
Grazas á Fundación Fernado Blanco de Lema de Cee por convidarme a facer Cinema Marabillas, no marco da XII Edición do programa O Mes da Fundación.
E grazas tamén polas fermosas verbas:
Fantástica sesión de “Cinema marabillas” hoxe con Raquel Queizás dentro da XII Edición do programa O Mes da Fundación. Dirixida a alumnado de Infantil, 1º e 2º de Primaria da Escola de Pereiriña, CEIP de Brens, CEIP Vila de Cee, CPR Manuela Rial e usuari@s de ASPADEX. Desfrutamos dalgunhas das primeiras adaptacións cinematográficas dos clásicos da literatura (Alicia no País das Marabillas, O Mago de Oz, Peter Pan …..) Unha delicia
Nanovo en Neda
Ás veces non é doado sair da burbulla… Que haberá aí fóra? O pasado sábado, atopamos unha chea de familias cullarapiñas na Biblioteca Municipal de Neda con fame de contos!!!
Croa! Grazas por tanto agarimo. Foi unha ledicia verte, Copi.
A Maleta da Mestra en Verín
Fermosa sesión A Maleta da Mestra rodeada de amigas na Bblioteca Publica de Verín. Viaxamos no tempo ás escolas da década de 1930 en Galicia e coñecimos á mestra “Pisapouquiño”. Unha mestra diferente: dá abrazos e non varazos, pidelle ás nenas que veñan á escola, permite e fomenta a fala en galego, ensina con fábulas, adiviñas, trabalinguas e baile! Mesmo ten unha gansa para vixiar a escola e dar de xantar ovos á cativada.
Unha mestra que hai 89 anos, no peor momento da nosa historia, foi defendida por unha gansa, unha presa de pícaras e pícaros e a parroquia enteira. Grazas por vir, familias e compartir as vosas lembranzas e futuros soños comigo!
Grazas, Aurora e Vicente por pensar en min e polas fotos!!
O xornal La Región reseñou esta actuación:
O xornal Nós Diaro fixose eco da actuación:
Cambio e Conto en Ortigueira
Que ganiñas tiña Nano de ver as amigas cullarapiñas da biblioteca Municipal de Ortigueira. Moi ben o pasamos! Ata o próximo contiño!
Son San en Pontevedra
Hoxe venres 26 de setembro na Biblioteca Pública de Pontevedra Antonio Odriozola, Son San. Contos, monicreques con materiais de refugallo e sinxelas coreografías para bailar dirixidas a nenas e nenos de 3 anos en diante, acompañados das súas familias.
Cambio e Conto en Redondela
Seguimos abrindo a temporada de contos!!! Este xoves 25 de setembro con Cambio e Conto na Biblioteca Municipal de Redondela.
A Maleta da Mestra nas Somozas
Hoxe na Axencia de Lectura de As Somozas compartín, coa rapazada do cole, e cas cativiñas da Casa Niño, unha historia verdadeira, a da nosa lingua da man dunha mestra da república. Coñecer a nosa historia é necesario para valorar o noso idioma, a nosa cultura e as nosas mestras. Grazas por tanta escoita e agarimo!
Moi agradecida ao CEIP O Marbán de As Somozas por esta reseña do meu espectáculo de narración oral “A maleta da mestra”. Grazas por tanto agarimo mostrado nesas fermosas verbas. Faime moi feliz saber que quedou fonda pegada de “Pisapouquiño” na cativada, que lles gustou coñecer a nosa historia para poñer en valor todo o que moitas mestras anónimas fixeron polas crianzas e polo pobo no que estaban e están. Grazas tamén a Begoña, da biblioteca da Axencia de Lectura do Concello das Somozas
Cambio e Conto en Poio
Que recuncho tan acolledor para contar atopei hoxe venres 19 de setembro no Casal de Ferreirós en Poio!! Grazas por vir familias! Grazas ao Concello de Poio e ao programa Ler Conta Moito!
Raposadas na Biblioteca de Rialeda, Oleiros
Unha contada de Raposadas moi especial, un público entregado!! Na que ademais tiven a honra de recibir a visita da profesora Ángela e dalgunhas alumnas do obradorio Conto Contado que impartín precisamente onte na Facultade de Ciencias da Educación da Universidade da Coruña. Ver o seu apoio e paixón polos contos despois de compartir técnicas de narración foi un agasallo!
Obradoiro “Conto Contado” na Facultade de Ciencias da Educación da Universidade da Coruña
Que privilexio volver á Universidade da Coruña para impartir o obradoiro de narración oral inclusiva CONTO CONTADO! Unha xornada inesquecible que uniu a alumnado de Espazo Compartido e futuras/os mestras/os de 2º de Infantil da Facultade de Ciencias da Educación.Aprendemos a usar o conto como ferramenta educativa e expresiva
Voz e Dicción: Técnicas para atrapar ao público infantil.
Corpo e Xestos: Dando vida aos personaxes, fomentando a expresión emocional.
A creatividade, a imaxinación e a inclusión foron as nosas claves para xerar confianza e comunicación entre todas e todos os participantes.Grazas por esta experiencia tan enriquecedora e chea de maxia! ✨ Unha ledicia volver a compartir con vós. A seguir xogando cos contos!
Grazas polas vosas verbas:
O obradoiro foi impartido pola filóloga, actriz e titiriteira Raquel Queizás, quen nos guiou nunha viaxe polos contos clásicos como “Os 7 cabritiños”, “O coelliño branco” e “A galiña roxa”.Durante a sesión aprendemos a contar contos como ferramenta educativa e expresiva, practicando técnicas para proxectar a voz, coidar a dicción e manter a atención do público infantil. Tamén exploramos como crear personaxes empregando o corpo, os xestos e a postura, favorecendo a expresión emocional e a representación de diferentes situacións.Ao longo da actividade salientouse a importancia da creatividade e da imaxinación como claves para fomentar a participación, a confianza e a comunicación entre todas e todos os participantes. Unha experiencia divertida, enriquecedora e chea de maxia. Grazas por convidarnos a compartila!
Cinema de Historias da man de Alice Guy en Carballo
Non podemos cambiar o exilio histórico ao que foi condenada durante décadas, por ser muller, pero si podemos facer xustiza con ela a partir de agora. É tan sinxelo como contar a súa historia. Porque ademais é unha fantástica historia: todo empezou cun soño, un xefe que a subestimaba e uns repolos máxicos. Quen non querería coñecer a vida de Alice Guy? A nai do cinema.
As familias de Carballo achegáronse onte pola tarde ata as Escolas do Xardín Agra de Caldas para descubrila.
O rematar recomendei, como fago sempre, libros para seguir investigando sobre ela, como “Unha veciña de película” da gran Iria Misa. Por último, tivemos unha riquísima merenda.Grazas por vir!! E grazas a Carmen, a Cristina e a Maica Ures (Concelleira de Igualdade) por contar comigo.
Cinema de Historias da man de Alice Guy en Rianxo
Visibilizar o contributo das mulleres ocultas durante séculos é importantísimo e moi necesario para medrar con referentes femininas e poder vibrar en harmonía como mulleres libres. Grazas mestras e rapazada do CEIP Ana María Diéguez pola vosa atención e agarimo. Agora xa sabedes o marabillosa e valente que foi a gran Alice Guy, e non o tivo nada fácil.
Grazas de novo ao CEIP Ana María Diéguez de Asados (Rianxo) por facer posible esta función no Auditorio de Rianxo, e grazas tamén polas fermosas verbas sobre o espectáculo:
Hoxe 25N trasladámonos ao auditorio para gozar do espectáculo de Raquel Quizás: Cinema de historias. Unha proposta fascinante que nos levou a descubrir a vida de Alice Guy, unha das grandes pioneiras do cinema mundial, creadora valente e imaxinativa… e tamén unha muller silenciada durante décadas pola historia oficial.Neste Día Internacional contra a Violencia de Xénero, lembramos a importancia de dar voz ás mulleres borradas, ás que abriron camiño e ás que aínda loitan por ocupar o lugar que lles corresponde.
Cambio e Conto en Cariño
Nano é o irmán maior, Nona é a irmá pequecha. Xuntos fan un gran equipo, medrando en igualdade…
Que ben o pasamos no Punto de Atención a Infancia de Cariño coa sua historia!
Cambio e Conto en Betanzos
Nano está moi feliz, naceu o súa irmá máis pequena, Nona, e vai coidar dela. Pero ao chegar a noite Nona non quere ir á cama. Nano ten unha misión, conseguir durmir a Nona sexa como sexa. Cambio e Conto nos Sábados Miúdos que organiza o Concello de Betanzos
Romaría en Coristanco
Onte xoves, 20 de novembro, contei para as familias de Coristanco Romaría contos e lendas da nosa terra poñendo no centro á Muller do Rural. Público incrible e moi participativo!
Grazas tamén polos agasallos e por esas patacas fritidas de Coristanco (As mellores do mundo mundial1)
Ata o próximo conto!!
Na túa man. Contos pola igualdade no CEIP Carballal-Cabral
O CEIP Carballal de Cabral (Vigo) crea un Mundo Violeta!
Hoxe celebramos no CEIP Carballal de Cabral o seu merecido 2º Premio do Certame de Poesía organizado pola Deputación de Pontevedra, cunha sesión especial de contos: “Na túa man. Contos pola igualdade”! Inspirada pola fascinante historia de Nellie Bly, viaxamos arredor do mundo para falar de:
1. Igualdade de oportunidades.
2. Identificación da violencia machista.
3. A importancia de que a rapazada axude e sexa protagonista do cambio.
O alumnado de Infantil e Primaria demostrou unha escoita exemplar e un agarimo incrible.Grazas á Deputación de Pontevedra por facelo posible, e ao CEIP Carballal por escollerme e pola súa entrega!Lembrade: Está na túa man, na nosa man, conseguir un Mundo Violeta
Romaría en Laxe
Lembranzas en Laxe: Unha “Romaría de Contos”
O Auditorio de Laxe acolleu este 15 de novembro unha das miñas sesións de contos, cargada de emoción, memoria, historias de vida e tradición: a actuación de Romaría: Contos e lendas da nosa terra.
O espectáculo, que recupera a esencia das xuntanzas e romarías de antes, converteuse nunha sesión entrañable onde as espectadoras non só escoitaron, senón que tamén se converteron en protagonistas.Grazas por compartir a vida!Quero agradecer a todas as persoas que asistiron e, de xeito moi especial, a aquelas que con tanta xenerosidade compartiron as súas vivencias e anécdotas.
Fixestes do Auditorio de Laxe un auténtico fogar de lembranzas.
A cultura galega é isto: un tesouro que construímos e compartimos xuntas!Grazas tamén ao Concello de Laxe e a Deputación da Coruña por contar comigo.
Nano vai á escola en Carnota
Nano vai á Escola en Carnota!! Este venres, 14 de novembro, o Salón de Actos do Concello de Carnota encheuse de ledicia e das risas das máis cativas.A sesión estaba dirixida ás nosas cullarapiñas de 1 a 5 anos e ás súas familias, e o resultado non puido ser mellor: foi un éxito rotundo!
As nenas e os nenos, xunto cos seus pais e nais, mergulláronse nas aventuras de Nano, demostrando que medrar coa nosa lingua é unha experiencia chea de emoción e aprendizaxe. Quedou curta! A mellor proba do ben que o pasaron? Que a sesión se lles fixo curta! Houbo que facer un esforzo para marchar, pois as pequenas e os pequenos (e algún que outro adulto!) non querían que a aventura rematase…Quero agradecer a todas as familias de Carnota por participar con tanto entusiasmo e ao Concello de Carnota por apostar polo programa APEGO e por iniciativas que promoven o uso do galego dende a primeira infancia.
Cinema de Historias da man de Alice Guy no CEIP Campomaior de Ordes
Xornada de Cinema de Historias no CEIP Campomaior de Ordes! Que mañá máis especial e enriquecedora vivimos en Ordes! Moitísimas grazas ao CEIP Campomaior pola fantástica acollida á miña actuación sobre Alice Guy, a auténtica pioneira do cinema de historias.Foi unha alegría inmensa compartir a figura de Alice e a súa crucial contribución coa rapazada e o profesorado.
A vosa curiosidade e entusiasmo son a mellor recompensa!Un agradecemento especial tamén polos agasallos tan agarimosos que me fixestes.Levádesvos un anaco do meu corazón! Agardo que tamén vos gusten os libros recomendados, entre eles “Unha veciña de película” da gran Iria Misa.
Esta actividade foi posible grazas ao apoio da Asociación Socio-Pedagóxica Galega (AS-PG). É fundamental seguir visibilizando e coñecendo a estas novas referentes de mulleres que cambiaron a historia.Seguimos espallando a cultura e a igualdade!
Somos Iguais no CEIP Vedas da Barreira
Xornada de igualdade e diversión no CEIP Vendas da Barreira!
Hoxe tivemos unha mañá incrible compartindo con todas e todos vós “SOMOS IGUAIS: Contos pola Igualdade”‘. Grazas a todo o alumnado, familias eprofesorado por participar con tanto entusiasmo e por escoitar con tanta atención as historias de igualdade e respecto.
Moitísimas grazas á ANPA do CEIP Vendas da Barreira pola organización impecable e por facer posible que contos coma estes sigan chegando ás escolas.
Lembrade que esta actividade foi subvencionada polo Pacto de Estado contra a Violencia de Xénero. Seguimos tecendo a rede da coeducación!
Moitas grazas ao CEIP de Vedas da Barreira polas suas verbas e o video que publicaron no seu blog:
Dámoslle volta ao conto. Contos pola igualdade en Baiona
Esta semana vivín unha marabillosa aventura polos colexios de Baiona (CEIP Fontes, CEIP Belesar, CEP Sabarís, EEI O Areal, Galescola Baiona e CEPI Cova Terreña) con Dámoslle volta ao conto, unha actividade que me levou por todos os centros educativos do municipio. Máis de 300 nenas e nenos de educación infantil e primeiro ciclo de primaria participaron nesta proposta chea de historias, emocións e reflexións.
Con contos tradicionais de diferentes culturas, obxectos e monicreques, propuxen darlles a volta ás historias para romper roles e estereotipos sexistas, e facer visible que todas e todos podemos ser protagonistas, sen importar o xénero. Moitas destas historias naceron da tradición oral e das lembranzas da miña avoa, que sempre me inspirou a contar e a mirar o mundo con ollos curiosos e libres.
Esta actividade formou parte do programa Baiona Lila, impulsado pola Concellería de Igualdade, dirixida por Sheila González Martins, e contou co apoio da Deputación de Pontevedra dentro do programa de sensibilización en igualdade e prevención da violencia machista.
Moitas grazas de novo pola vosa escoita e participación! Quero agradecer de corazón a todos os centros educativos que me acolleron en esta xira de Contos pola Igualdade co espectáculo Dámoslle Volta ao Conto e Nano e Dara.
A vosa escoita activa, as vosas preguntas e a vosa participación foron a mellor recompensa e o mellor impulso para seguir traballando con máis forza! .
E por suposto, un agradecemento moi especial ao Concello de Baiona pola súa confianza en min e na forza transformadora dos contos para promover a igualdade. Sen o voso apoio, isto non sería posible.
💜🚀 Seguimos a darlle volta aos contos e ás ideas!
Cinema de historias da man de Alice Guy en Mondariz
Cantas amigas do Concello de Mondariz marcharon do Auditorio con ganas de ver máis películas desta xenia, pioneira do cinema. Agora xa coñecen á gran Alice Guy, a nai do cinema. Grazas por vir, grazas por contar comigo!!
O Eco das Pedras en Coristanco
Non se pode querer nin valorar a quen non se coñece… A moura, a nubeira son as nosas heroínas, superheroínas. Xa vimos que non teñen nada que envexar á muller marabilla, por exemplo. Grazas, Concello de Coristanco por deixar entrar na vosa biblioteca O Eco das Pedras.
E grazas tamén polas fermosas verbas:
Hoxe gozamos dunha mañá chea de emocións e contos que falan da nosa terra, da memoria e das historias que permanecen gravadas nas pedras. Agradecemos a Raquel Queizás (Queliña) por achegarnos unha proposta tan fermosa, coidada e inspiradora, capaz de conectar co público de todas as idades e facer vibrar a nosa biblioteca. Un verdadeiro pracer recibirte unha vez máis en Coristanco, enchendo de vida e palabras este espazo.
Caso Pechado no IES Escolas Proval
Veño de compartir a miña paixón polas historias de suspense, de misterio coa rapazada de terceiro da ESO na biblioteca do IES Escolas Proval de Nigrán, co espectáculo Caso Pechado.
Grazas pola vosa atención e grazas tamén por axudarme a resolver o último, que non o derradeiro, caso. Agradecida, tamén, a Iria Misa por facelo posible e a Eva da biblio por estar pendente de todoooo!!! Ata a próxima historia!!!
Grazas ao Instituto polas súas fermosas verbas: A incomparable @raquelqueizas visitounos co seu espectáculo “Caso Pechado”, unha viaxe chea de misterios, historias arrepiantes e moita imaxinación. As luces baixaron, os silencios falaron… e o público non perdeu detalle
Cambio e conto en Nigrán
Que mellor maneira de celebrar o Día das Bibliotecas que vivindo aventuras con vós!
Hoxe na Biblioteca de Nigrán puidemos desfrutar con “Cambio e Conto”, as aventuras de Nano a ra e a súa irmá Nona.
A pequena Nona non paraba quieta, non quería durmir, pero entre obxectos, monicreques e un bo conto (sacado, por suposto, da súa biblioteca favorita conseguimos que entrase no mundo dos soños!
Grazas a todas as familias por vir e compartir esta tarde tan especial chea de risas, emocións e moita maxia. As bibliotecas son un tesouro, e a de Nigrán é unha xoia!
Raposadas en Trazo
Hoxe fixen Raposadas acompañada da rapazada do Centro Público Integrado Pequeno de Trazopara festexar o Día da Biblioteca. Grazas tamén a Elena do Concello de Ttrazo e a Deputación da Coruña por facelo posible. Seguimos!!
Elas sempre contan en Sarria
Hoxe estiven contando na Casa da Cultura de Sarria, dentro da IV Mostra de Teatro Iván Tourón Morais. Tiven a sorte de presentar a miña sesión de contos pola igualdade Elas Sempre Contan.
Este espectáculo de narración oral é un recoñecemento ás escritoras que loitaron e loitan por facer visible o seu traballo e as súas voces. A través de contos e manipulación de obxectos, achegamos ao público (neste caso, especialmente ao público familiar e infantil) as historias das miñas escritoras favoritas.Grazas de corazón a todas as persoas que enchedes o auditorio e que facedes que a cultura galega siga viva e que as “elas” non deixen de contar.
Foi unha gozada!💜
Magosto con Nano en Oleiros
Moi bo día! É tempo de magosto!! Xa o festexamos o pasado mércores na Biblioteca de Santa Crux cas familias cullarapiñas do Concello de Oleiros.
A Maleta da Avoa no Valadouro
Onte, na XXXVIII Feira do Mel do Valadouro, botamos contos de A maleta da avoa para unha chea de doces familias.
Logo mercamos mel, marmelada, fabas, chourizos, requeixo…Un auténtico tesouro! Grazas, Suso, e ao Concello do Valadouro por pensar en min.
A Maleta da Mestra en Tirán
A unha antigua escola, agora Centro Sociocultural Castroviejo, Axencia de lectura de Tirán (Moaña), chegou a nova mestra, á que todos chamaban “Pisapouquiño” cargada de contos, adiviñas,e historias verdadeiras sobre o pasado da nosa lingua. A letra con xogo entra!!
Moitísimas grazas por vir, familias!! E grazas tamén a Dolo polas fotos e a Vida por signar.
Cinema Marabillas en Cee
Grazas á Fundación Fernado Blanco de Lema de Cee por convidarme a facer Cinema Marabillas, no marco da XII Edición do programa O Mes da Fundación.
E grazas tamén polas fermosas verbas:
Fantástica sesión de “Cinema marabillas” hoxe con Raquel Queizás dentro da XII Edición do programa O Mes da Fundación. Dirixida a alumnado de Infantil, 1º e 2º de Primaria da Escola de Pereiriña, CEIP de Brens, CEIP Vila de Cee, CPR Manuela Rial e usuari@s de ASPADEX. Desfrutamos dalgunhas das primeiras adaptacións cinematográficas dos clásicos da literatura (Alicia no País das Marabillas, O Mago de Oz, Peter Pan …..) Unha delicia
Nanovo en Neda
Ás veces non é doado sair da burbulla… Que haberá aí fóra? O pasado sábado, atopamos unha chea de familias cullarapiñas na Biblioteca Municipal de Neda con fame de contos!!!
Croa! Grazas por tanto agarimo. Foi unha ledicia verte, Copi.
A Maleta da Mestra en Verín
Fermosa sesión A Maleta da Mestra rodeada de amigas na Bblioteca Publica de Verín. Viaxamos no tempo ás escolas da década de 1930 en Galicia e coñecimos á mestra “Pisapouquiño”. Unha mestra diferente: dá abrazos e non varazos, pidelle ás nenas que veñan á escola, permite e fomenta a fala en galego, ensina con fábulas, adiviñas, trabalinguas e baile! Mesmo ten unha gansa para vixiar a escola e dar de xantar ovos á cativada.
Unha mestra que hai 89 anos, no peor momento da nosa historia, foi defendida por unha gansa, unha presa de pícaras e pícaros e a parroquia enteira. Grazas por vir, familias e compartir as vosas lembranzas e futuros soños comigo!
Grazas, Aurora e Vicente por pensar en min e polas fotos!!
O xornal La Región reseñou esta actuación:
O xornal Nós Diaro fixose eco da actuación:
Cambio e Conto en Ortigueira
Que ganiñas tiña Nano de ver as amigas cullarapiñas da biblioteca Municipal de Ortigueira. Moi ben o pasamos! Ata o próximo contiño!
Son San en Pontevedra
Hoxe venres 26 de setembro na Biblioteca Pública de Pontevedra Antonio Odriozola, Son San. Contos, monicreques con materiais de refugallo e sinxelas coreografías para bailar dirixidas a nenas e nenos de 3 anos en diante, acompañados das súas familias.
Cambio e Conto en Redondela
Seguimos abrindo a temporada de contos!!! Este xoves 25 de setembro con Cambio e Conto na Biblioteca Municipal de Redondela.
A Maleta da Mestra nas Somozas
Hoxe na Axencia de Lectura de As Somozas compartín, coa rapazada do cole, e cas cativiñas da Casa Niño, unha historia verdadeira, a da nosa lingua da man dunha mestra da república. Coñecer a nosa historia é necesario para valorar o noso idioma, a nosa cultura e as nosas mestras. Grazas por tanta escoita e agarimo!
Moi agradecida ao CEIP O Marbán de As Somozas por esta reseña do meu espectáculo de narración oral “A maleta da mestra”. Grazas por tanto agarimo mostrado nesas fermosas verbas. Faime moi feliz saber que quedou fonda pegada de “Pisapouquiño” na cativada, que lles gustou coñecer a nosa historia para poñer en valor todo o que moitas mestras anónimas fixeron polas crianzas e polo pobo no que estaban e están. Grazas tamén a Begoña, da biblioteca da Axencia de Lectura do Concello das Somozas
Cambio e Conto en Poio
Que recuncho tan acolledor para contar atopei hoxe venres 19 de setembro no Casal de Ferreirós en Poio!! Grazas por vir familias! Grazas ao Concello de Poio e ao programa Ler Conta Moito!