Todo listo para unha sesión de Romaría moi especial, xa que está dedicada ao público adulto de Meis:

Que ben o pasamos dando chimpos Nano e máis eu hoxe na biblioteca Juan Compañel de Vigo!

De TRAVESÍAS na Biblioteca de Porto do Son. Grazas ao Concello e a Lydia, a Jose Mariño e a Gustavo por contar comigo e con Juan Juste. As familias quedaron con ganas de máis contos!!! Ata o próximo conto!!

E continuo contando a infancia de Antonio Fraguas, o homenaxeado neste día das Letras Galegas do 2019. O auditorio do Valadouro encheuse para celebrar a nosa lingua:

Que mellor cousa para festexar o Día das Letras Galegas que contando Raposadas con Antonio. A cita foi esta mañá na ludoteca municipal de Carballo.

A celebrar que mañá mesmo é o Día das Letras Galegas. E que mellor que contar unha imaxinada infancia de Antón Fraguas?. Raposadas con Antonio no auditorio da Casa da Cultura de Ordes.

Despois de coñecer a Alice Guy, esta mañá no Auditorio de Rianxo, esta tardiña acudín á fermosa Biblioteca Municipal a contar Somos Iguais, contos pola igualdade, no marco da programación da Semana do libro infantil e xuvenil de Rianxo. Foi todo un pracer!!!

A semana do libro infantil e xuvenil de Rianxo acolleu na sua variada e interesante programación o meu espectáculo Cinema de historias da man de Alice Guy. A cita con Alice Guy, a verdadeira nai do cinema, unha creadora tan xenial como inxustamente esquecida, foi no Auditorio de Rianxo:

Unha tarde de petróglifos, de lendas de mouras e nubeiras que se ven, que se escoitan en O eco das pedras.
Non se pode amar o que non se coñece, nin defender o que non se ama.
Grazas a ANPA do colexio de Fontiñas por contar comigo nesta xornada chea de actividades, para que as nenas e os nenos coñezan e valoren o noso patrimonio cultural, material e inmaterial.

Hoxe 11 de maio, O xogo de Nano nos sábados miúdos que organiza o Servizo de Normalización Lingüistica do Concello de Betanzos.

Esta tarde foi unha festa contar “Romaría. Homenaxe a Antonio Fraguas” na biblioteca de Moaña, xunto a min estiveron signando Alba, e tamén David de XOGA (Organización de xordos de Galicia).

Foi todo un pracer coñecer o Punto de Atención á Infancia (PAI) de Tordoia. Moi ben o pasamos coas aventuras de A viaxe de Nano o día 17 de abril, e tamén con O xogo de Nano, hoxe 10 de maio. De feito, pasámolo tan ben, que voltarei ao PAI de Tordoia con Nano vai a escola o próximo 7 de xuño!

E hoxe regresei a semana das letras e a lectura de Sarria co espectáculo o Segredo do tendal, para rematar esta intensa semana cultural. Parabéns por esta inciativa!!

Hoxe ás  18h na Biblioteca de Ortigueira foi un pracer presentar “Nano vai á escola”. Seguimos a medrar en galego con Nano.

Nano é unha ra pequena, unha ra que vive cada día unha nova aventura, porque cando se é tan pequeno ata as cousas más sinxelas se converten en todo un reto.
Nano vai ter unha nova experiencia vital… vai ir por primeira vez á escola! Como se enfrontará a esta etapa que comeza desde a súa condición de galegofalante? Nano comeza a etapa escolar e é así como vai descubrindo que desde ese lugar tan diverso, a seguridade de ter personalidade e lingua propia van ser un gran apoio

Dentro da programación ‘Semana das letras e a lectura’ de Sarria, hoxe tocou coñecer á gran Alice Guy. As nenas e os nenos, do Ceip Antonio Fernández López de Oural e o Colexio Asunción, viaxaron no tempo para descubrir como naceu a septima arte, grazas a ‘CINEMA DE HISTORIAS DA MAN DE ALICE GUY’

Foi un pracer contar Somos iguais para nenos e nenas do CPR da Asunción, do CEIP Frei Luis de Granada, do CEIP Antonio Fernández López de Oural e da EEI de Sarria que os nenos e as nenas somos iguais e que nin contos nin fora deles hai sitio para o machismo. Esta actividade formou parte da II semana das letras e a lectura de Sarria.

Que ben o pasamos na Biblioteca de Porto do Son con “Mariña. Contos nacidos no mar”. Que casualidade, o bibliotecario chámase Mariño!!! Moitas grazas por escoitar, familias!  Voltarei o 18 de maio, e non vos perdades a Juan Juste o próximo sábado!!

Hoxe 3 de maio na Biblioteca Central de Ferrol: Nano prosigue coas suas aventuras en Cambio e conto:

Unha tripulación valente e soñadora agardaba por min na Axencia de Lectura de San Vicente do Grove. Grazas por escoitar!!!

En Travesías agardan por nós viaxes cheas de aventuras nas que coñeceremos a nenas e mulleres bravas que loitaron contra os prexuízos para conseguir os seus soños.

“A miña avoa non era rica, con todo, na súa pequena casa e a pesar da nosa diferenza de idade, cada unha atopamos o noso benestar. Polas noites, ao redor da mesa, ceando sopa de cereixas, ela contábame as lendas da súa rexión, cantando cunha voz melodiosa”.
Alice Guy

Un pracer representar esta noite Cinema de historias da man de Alice Guy. para a rapazada que asistiu aos ‘VII Encontros de convivencia positiva: Un mar de redes’ no IES Mestre Landín de Marín.

Moi ben o pasei este venres contando para as cullarapiñas  e cullarapiños “Cambio e conto” na Biblioteca de Pontevedra, xuntos seguimos festexando o Día do Libro!

Hoxe, día do Libro, festexámolo contando nos coles de Betanzos !!! Contando quen foi Antonio Fraguas, o noso homenaxeado nas Letras Galegas. Organiza o Concello de Betanzos.

“Ser galeguista non é mais que ser amante da nosa terra”.  Antonio Fraguas.

Foi a súa nenez na aldea coa nai, e a convivencia con Mamá Antonia quen marcou a súa maneira de ser, e espertou nel o amor pola nosa lingua e o noso patrimonio cultural, material e inmaterial . Mamá Antonia traballaba na súa casa, criouno, e a pesar de ser unha muller que non sabía ler nin escribir foi a súa mellor mestra.
“Esta muller era analfabeta, non sabía ler nin escribir, pero coñecía os costumes. Sabía cantigas, adiviñas, contos, . Moitos dos que coñezo ensinoumos ela. Foi a miña gran mestra.” FRAGUAS FRAGUAS, A. “O lugar e a casa onde nacín”Grial, 144,1999,p.625.

Doble función de contos esta mañá en Darbo: Raposadas e Romaría para as nenas e nenos do CEIP Plurilingüe San Roque de Darbo,

Hoxe no aniversario de Nano fixemos moitxs amigxs. Xuntos cantamos o “Parabéns”, sopramos as candeas, xogamos e contamos contos. O próximo 8 de maio voltamos a esta fermosa Biblioteca de Ortigueira con “Nano vai á escola”.