Contos na Biblioteca de Arteixo

Rematamos por agora esta minixira polas bibliotecas do Concello de Arteixo, coa representación do espectáculo de narración Contos do Cestiño na Biblioteca Central “Henrique Rabuñal”. Mais de 70 nenas en nenos seguiron con moitísima atención as historias que saian do meu cesto:

Contos en Pastoriza

Os Contos do Cestiño, visitaron a Biblioteca Municipal de Pastoriza, dentro do programa “A hora do Conto” da Rede de Bibliotecas do Concello de Arteixo, o pasado día 8 de novembro.

Nunha chuviosa tarde, os rapaces disfrutaron dos contos que saían do meu cestiño:

Estrea de “Viaxe a Dadá”

O pasado domingo 21 de outubro, estreamos por fin a primeira montaxe da nosa nova compañía, Teatro da Semente. Tivemos dous pases, pola mañán na sala LaTuerka27. Tivo moi boa acollida por parte do público; nais, pais  e os seus bebés. Dende o primeiro minuto se creou un momento máxico compartido.

Nesta sala, LaTuerka27, era a primeira vez que programaban “Teatro para Bebés”. Non só apoiaron o proxecto dende o comezo, senón que sempre estiveron colaborando con nós en todo. Grazas, Iria Ares, Milo Taboada, Daniel Currás polo voso tempo e cariño.

Grazas tamén a CasaHamlet por deixarnos ensaiar no seu local, a José Losada e Fran Moledo polas fotos, en fin a tanta xente que creu en nós. A Daniel Piñeiro polo amor e a paciencia e a miña pequena Aldara por ser a nosa inspiración.

Este soño non sería posible sen Chus Álvarez unha gran profesional e amiga.

Na Voz de Galicia nos fixeron esta reseña que capta perfectamente a esencia do espectáculo.

Tamén o blog de Latuerka27, falou do noso estreno.

Esta montaxe está pensada para espacios acolledores con capacidade de 40 ou como moito 50 persoas; para ESCOLAS INFANTÍS, Centros Sociais e Salas de Teatro.

Contos do Cestiño en Chaín (Pontecaldelas)

A Comisión das festas de Santa Teresa, en Chaín (Pontecaldelas), invitoume a participar nas actividades que realizaron este fin de semana. Así, os rapaces e non tan rapaces de Chaín, puideron disfrutar do meu espectáculo de contos Contos do Cestiño:

Contos do Cestiño en Meicende

O espectáculo de contos “Contos do Cestiño” chegou a Biblioteca de Meicende (no Colexio San Xosé Obreiro), dentro da programación “A Hora do Conto” da Rede de Bibliotecas do Concello de Arteixo. Foi un pracer contar neste espazo. Que bén o pasamos, grandes e pequenos!

Próxima estrea de “Viaxe a Dadá”

Xa falta pouco para a estrea de Viaxe a Dadá, o novo proxecto de Teatro da Semente, dirixido a bebés de 0 a 3 anos e pais/nais acompañantes. É sementar para recoller, sementar para que nazcan flores, sementar para (re)coñecer a Vida e descubrir o Mundo. Entremos no faiado da infancia, subámonos a Dadá, o noso cabaliño de madeira, e viaxemos xuntos polas lembranzas da nenez, entre xogos e cantigas.

A estrea será o vindeiro sábado día 22 de outubro,  as 10 e as 12 da mañán na sala Latuerka27 de A Coruña.

Teatro da Semente está formado por Chus Álvarez e por min mesma!

Contos para bebés: Nano e Dara na Biblioteca Central de Vigo

Cantas nais, cantos pais, avós, avoas e sobre todo pequerrechas e pequerrechos me agardaban na Biblioteca Central de Vigo, dispostos a ver e escoitar as aventuras de Nano e Dara.


O vindeiro 22 de novembro voltarei a este espazo coa estrea de O XOGO DE NANO.

I Romaría Titiriteira

Este sábado día 15 de setembro, celebrouse no Parque dos Sentidos de Marín, a I Romaría Titiriteira, organizada por UNIMA Galicia.
Esta romaría foi pensada como unha xornada de encontro entre titiriteiros e como forma de dar a coñecer a outras persoas o traballo que realizamos.  E ademaís de títeres, tamén houbo empanadas, tortillas, pementos, e moitos nenos con ganas de pasalo ben.

Despois do xantar, houbo un obradoiro de construcción de titeres para os maís pequenos, e a continuación comenzou o Titirichow, con actuaciones de Pablísimo, Titereluis, Carmen Domech de Títeres Cachirulo, e eu mesma entre outros.

Contos creativos na Biblioteca Nodal de Pontevedra.

Durante o mes de xullo  levei a cabo na Biblioteca Nodal de Pontevedra un obradoiro de contos creativos. Este ano o tema a tratar era os hábitos sáudables. Durante catro sesións as nenas e nenos de 4 a 6 anos participaron nuha chea de actividades aderezadas con historias moi divertidas.

Escola de Verán de UNIMA en Tolosa

Este ano tiven o inmenso pracer de acudir a escola de verán que organiza a Asociación Internacional das Marionetas (UNIMA), celebrada no Centro Internacional do Títere de Tolosa (TOPIC).

Era a primeira vez que me achegaba ata Tolosa, tiña moitas ganas de participar nos obradoiros que programaba UNIMA. Foi un grato descubrimento coñecer a Neville Tranter, un gran maestro titiriteiro e unha belísima persoa.  Aqui vos deixo a ligazón con información de toda a programación da que puiden gozar en compañía de grandes profesionais de tódalas partes do mundo.

Convídovos dende aquí a que visitedes un dos mellores museos da marioneta que temos.

Obradoiro de títeres en Salceda de Caselas

O pasado día  27 achegueime ata a Biblioteca de Salceda de Caselas para realizar un obradoiro de construcción de títeres. Para este obradoiro, a técnica escollida foi a de construcción de títeres de varilla utilizando bolsas de papel . Alí agardábanme máis de quince nenas e nenos con moitas ganas de pasalo ben!

Titere de bolsa

Contos en Vimianzo

O 8 de agosto, os Contos do Cestiño acudiron a Biblioteca Municipal de Vimianzo:

Cuentacuentos en VimianzoCuentacuentos en Vimianzo

Historias para cambiar o mundo

O pasado 21 de xuño, coincidindo co comezo do verán, narradores de 30 países participamos na iniciativa da Rede Internacional de Contacontos (RIC), que baixo o lema “Historias para cambiar o mundo”, pretende celebrar o propio nacemento da RIC, e difundir e afianzar o arte de contar historias, ademais de contribuír a construción de un mundo un pouco mellor grazas a palabra e os contos.

Non faltou nin o sol a cita que tíñamos nos xardíns da Casa do Escudeiro en Meis, e pequenos e maiores gozaron do sol e da sombra baixo as árbores do xardin, e das historias que levei no meu cestiño.

Aproveitamos tamén o fermoso escenario que foi a Casa do Escudeiro para grabar un video da actuación:

Historias para cambiar o mundo

Historias para cambiar o mundo

Estrea do O Cabaliño de Pedra na Biblioteca de Galicia

Dentro do programa ´Ceo das letras´ adicado a Emilia Pardo Bazán estrei o meu novo espectáculo de contos, O Cabaliño de Pedra. Nel recollo historias, contos e lendas da nosa terra. Moitas as coñecín por boca da miña avoa, outras devorando libros.

“As pedras están vivas, nena” dicía a avoa mentres me facía trenzas e me contaba historias de mouras encantadas, de lobos, de años negros, de bonecas de millo…

Pretendo con este espectáculo que as rapazas e rapaces que escoiten estas historias pregunten aos seus avós e bisavós por elas, para que revivan, e non se esquezan.

Cabaliño de Pedra

Contos no CEIP San Roque de Darbo (Cangas)

Dobre sesión de contos na semana cultural do CEIP San Roque de Darbo (Cangas). En dúas quendas, os catrocentos alumnos do colexio, de 3 a 12 anos, asistiron no ximnasio as representación de Contos do Cestiño e Historias da Maletra. 

Nanocontos: A viaxe de Nano na Casa Común de Oza (Teo)

Máis de 100 meniñas e meniños, acompañados das súas nais e pais, participaron na festa de gradación coa que celebraron o fin de curso das escolas infantís do Concello  de Teo (Calo, Vos Tilos…).  Nano e Pio fixeron moitos amigos!

Historias para cambiar o mundo

Dende a RIC, Red Internacional de Cuentacuentos, fannos chegar unha   invitación  para que nos  sumemos á súa  celebración: Historias para cambiar el mundo, o 21 de xuño do 2012 e a partir de entón, o 21 xuño de cada ano. Convocan a todas as persoas que queiran sumarse a esta festa: conta contos, narradores espontáneos, bibliotecarias e bibliotecarios, docentes, nais, pais, avós, mozos e todo o que queira contar contos ese día. Aquí vos deixo un enlace para que o consultedes.

Eu únome encantada a esta iniciativa, estarei con CONTOS DO CESTIÑO en Meis, o 21 de xuño ás 17.30 na Casa do Escudeiro, nos fermosos xardíns. Quedades todos convidados.

Enlace a entrada da actuación

Contos do Cestiño na Feira do Libro de Ourense

Estase a celebrar XXVIII edición da Feira do Libro de Ourense, na  Praza do Bispo Cesáreo (Alameda) , e dentro das actividades organizadas, as nenas e nenos puideron escoitar as historias de Contos do Cestiño.

 

Caso Pechado en Boiro

O espectáculo Caso Pechado chegou ó Barbanza: dúas sesións no IES A Cachada, e outra dúas no IES Praia Barraña de Boiro. Caso pechado é un espectáculo de contos pensado para o público adolescente, con historias do seu interés:  relatos de misterio, historias de terror e lendas urbanas.

Soñadora das Árbores en Pontecaldelas

Dentro da programación da XLVI da Festa da Troita de Ponte Caldelas as rapazas e rapaces xunto coas monitoras e nais , pais, avós , avoas agardaban por min na Alameda para disfrutar dunha sesión de contacontos, A SOÑADORA DAS ÁRBORES. Grandes e pequenos subiron ao escenario para dramatizar as historias onde as árbores, as abellas, as fontes eran as protagonistas.

Un pracer voltar a está fermosa vila. Grazas á atención e amabilidade das encargadas da biblioteca,  Ana e a María.

Contacontos Soñadora das Árbores en PontecaldelasContacontos Soñadora das Árbores en Pontecaldelas

Obradorio de poesia en Marín

O venres 18 de maio pola tarde celebrouse na alameda de Marín un obradoiro de poesía e xogos populares co gallo da celebración do DÍA DAS LETRAS GALEGAS, a actividade foi organizada pola  ANIAS formación e xestión sociocultural. Eu impartín o obradoiro de poesía, levei varios libros de poesía de diferentes autores galegos: Gloria Sánchez, Carlos Fontes, Rosalía de Castro, Antón Cortizas, Fran Alonso, etc. A rapazada creou varios textos seguindo diferentes técnicas; fixeron caligramas, acrósticos, crearon poemas coas palabras durmidas… Tódolos traballos quedaron expostos para goce dos paseantes da alameda, abraiados ante tanta creatividade.

Dende aquí quero recomendar especialmente un libro para traballar a poesía nas aulas: VERSOS EN FLOR do fantástico poeta Carlos Fontes.

Versos en flor, de Carlos Fontes (Ed. Galaxia)

Contos do Cestiño en Vilaboa

Fun invitada a participar nos actos de celebración do Día das Letras Galegas, organizados pola Asociación Cultural O´Barqueiro e o Concello de Vilaboa. Foi un pracer compartir o escenario da Casa da Cultura de Riomaior con o poeta Carlos Fontes, natural de esta vila, que realizou a presentación do seu último libro, Versos en Flor, editado por Galaxia dentro da colección Tartaruga.

Carlos Fontes en Vilaboa

Actos Día das Letras Galegas 2012 en Vilaboa

X