Nanocontos na Biblioteca Central de Vigo

Nano estreou o renovado espazo dedicado ós contos na Biblioteca Central de Vigo. Detrás do novo telón azul celeste, esperou a que os cativos encheran a sala, nunha nova sesión de Nancontos, o contacontos para os máis pequenos.

O público espectante agardano a aparición de Nano:

(Esta actividade realizóuse ao abeiro do programa Ler Conta Moito)

Historias da Maletra en Catoira

Eu e a miña Maletra, tivemos o pracer de visitar a Biblioteca Pública Municipal de Catoira, o abeiro do programa Ler Conta Moito. Unha chea de rapaces me agardaban alí para escoitar os contos que saian da miña Maletra, mais non so escoitaron, senón que tamén participaron activamente no desenrolo das historias.

Nanocontos en Foz

Nano viaxou ata Foz, dentro da programación das letras organizada pola Biblioteca Pública Municipal, para deleitar os más pequenos de esta vila coa súas aventuras. A visita de Nano, foi a excusa perfecta para moitos bebés se achegaran por primeira vez a esta fermosa biblioteca. Ademáis os nenos que se fixeron socios este día, tiveron un libro de agasallo!

Carriños aparcados na entrada da Biblioteca:

Nanocontos: Nano e Dara na Biblioteca Central de Vigo

Nano e Dara, da serie de contacontos para bebés Nanocontos, visitaron a Biblioteca Central de Vigo. Os bebés desfrutaron coas aventuras dos dous amigos.

É o rematar a función, a mesma Dara convidou ós xovenes lectores a coñecer os seus libros favoritos:

Caso Pechado na Semana do Libro de Soutomaior

O Concello de Soutomaior celebra a Semana do Libro, que xa vai pola VII edición, e na Biblioteca Municipal Luís Seoane, en Arcade, prográmanse actividades toda a semana.
Eu tiven o pracer de ser convidada a participar nas celebracions da Semana do Libro con dous dos meus espectáculos de contacontos. Este mércores a cita foi con Caso Pechado: historias de misterio e terror para adolescentes, e o próximo venres, regresarei acompañada por Nano e os seus Nanocontos.

O Diario de Pontevedra reseñou as actividades programadas pola Semana do Libro:

Nanocontos na Biblioteca Infantil de Carral

Tiven o pracer de comezar na Biblioteca Infantil de Carral as miñas andanzas en Ler Conta Moito, o novo programa de dinamización da lectura nas bibliotecas públicas promovido pola Secretaría Xeral de Cultura. Nais, pais e os seus cativos, seguiron con moita atención as aventuras de Nano.

O rematar a función, Nano contoulle os nenos cales eran os seus libros favoritos, que ademais estaban dispoñibles na biblioteca!

O diario La Voz de Galicia, anunciou esta actividade na sua axenda da edición de A Coruña:

Ler conta moito

Nanocontos na Biblioteca Municipal de O Grove

O lectores máis pequenos de O Grove, tiverón unha cita este sábado con Nano e os seus Nanocontos na Biblioteca Pública Municipal Manuel Lueiro Rey. Esta actividade enmarcase na iniciativa “Bibliofamilia”, desenrolada por esta biblioteca, para que os nenos se  acheguen á lectura acompañados dos seus pais.

O xornal Diario de Arousa, reseñou esta actividade na sua edición do 13/04/2013:

Historas da Maletra na Sala Kontainer de Bilbao

A miña Maletra, llevoume ata a Sala Kontainer de Bilbao. Nenos e maiores poideron gozar con contos que saían da maletra. Despois da función, celebrouse un coloquio co público, no que os nenos preguntaron polos personaxes e as tramas dos contos.

EL Bolso Amarillo

Tras duros e intensos ensaios, por fin estréome na montaxe El bolso amarillo da compañía Aura Teatro, na Sala Kontainer de Bibao.

Unha proposta teatral moi interesante con monicreques  en formato musical para público familiar, baseada no gran texto da autora brasileña Lygia Bogunga Nunes  (O conxunto da súa obra foi galardoado coa distinción internacional máis acreditada no campo da literatura infantil e xuvenil: o premio Hans Cristian Andersen no ano1982)

Para máis información podedes visitar o noso blog. Esta montaxe estará o próximo domingo  7 de  abril ás 6 da tarde no teatro Jofre de Ferrol.

Coloquio co público o rematar a función na Sala Kontainer

Ler conta moito 2013

Ler conta moito é o novo programa de dinamización da lectura promovido pola Secretaría Xeral de Cultura, da Consellería de Cultura, Educación e Ordenación Universitaria, a través da Rede de Bibliotecas Públicas de Galicia, en colaboración coas entidades locais. Este programa toma o relevo do denominado “Letras Vivas”, que estivo funcionado ata o ano pasado.

Dous dos meus espectáculos de contacontos e animación a lectura (Nanocontos e Historias da Maletra), foron seleccionados entre as 145 actividades que a Conselleria pon a disposición das bibliotecas públicas da Rede de Bibliotecas de Galicia para desenvolver actividades de fomento da lectura.

Podedes consultar o catálogo das  actividades dispoñibles no portal da Rede de Bibliotecas de Galicia.

Festival Atlántica

Foi unha agradable sorpresa que me convidaran a participar na primeira edición do Festival Internacional de Narración Oral Atlántica, celebrado en Santiago de Compostela e Olerios do 26 o 16 de marzo. Gracias a Soldad Felloza, directora do festival e unha gran anfitrioa, por ser a miña madriña de contos. Contei no pub Atlántico baixo o título “Unha muller na beira“. Estiven por primeira vez nas bibliotecas de Dorneda e Perillo  (Concello de Oleiros)  e tamén no Centro Sociocultural das Fontiñas (Santiago) que estaba a rebentar de xente e onde os rapaces pediron un bis. Participei ademais nos maratóns do Festival xunto a grandes compañeiros de profesión: Quico Cadaval, Paula Carballeira, Soledad Felloza, Fátima Fernández, Avelino González, Cándido Pazo e Charo Pita, entre outros.
Aquí vos deixo unhas imaxes deste gran Festival que virá  vento en popa o ano que ven. (Fotografías de Mino Andrade e Amparo Portabales)
Parabéns a organización, un grupo de grandes profesionais que arrimaron o ombreiro para que ese soño se fixese realide.

Maratón de contacontos para nenos no Salón Teatro. (16/03/2013)
Maratón de contacontos para bebés, no Salón Teatro. (16/03/2013)
Pub Atlántico. (12/03/2013)
Función Colectiva no Día Internacional das Mulleres. Teatro Principal. 
(8/03/2013)
Función Colectiva no Día Internacional das Mulleres. Teatro Principal. 
(8/03/2013)

 

Fugas, suplemento de La Voz de Galicia, 01/03/2013

La Voz de Galicia, edición Santiago, 07/03/2013

XIV Salón do Libro Infantil e Xuvenil de Pontevedra

A XIV edición do Salón do Libro Infantil e Xuvenil de Pontevedra, que se celebrou do 2 ó 23 de marzo, tivo como lema A TODA MÁQUINA.
Un ano máis estiven contando contos para os nenos dos colexios que visitaron o Salón. Impresionantes traballos fixeron os pequenos inventores. Que marabilla ver a vida a través dos seus ollos.
Mirade un dos seus inventos:

A min dende nena me encantan os reloxos, as máquinas do tempo. Así que transformeime en reloxeira. Que mellor modo de PASAR O TEMPO que contando historias?

Dentro da ampla e variada programación tamén representamos tres funcións de VIAXE A DADÁ da nosa compañía  Teatro da Semente. A obra tivo moi boa acollida por parte das familias, mágoa que quedase xente fóra! Haberá que volver a Pontevedra!!!

Xa estou agardando o tema do ano que ven, cal será? A min encantaría me que fose A COMIDA, para cociñar contos a fogo lento… Ummm! Son unha larpeira!

A Viaxe de Nano na Biblioteca Nodal de Lugo

Nano continua viaxando e viaxando, e así chegou á Biblioteca Nodal de Lugo. Os mais pequenos seguiron con moitísima atención as aventuras de Nano e Pío, e para rematar, nada mellor que un bo baile!

A Viaxe de Nano

Contos do Cestiño na Biblioteca Luis Seoane de Arcade

Por primeira vez, a Biblioteca Luis Seoane en Arcade (Soutomaior), convidoume a contar contos para os cativos e os seus pais. Alá fun co meu cestiño cheo de pementos, berenxenas, un queixiño, e por suposto… Contos!

Arcade

Arcade

Inaguración da Biblioteca do CEIP de Escarabote (Boiro)

Comenzamos febreiro cunha actuación para celebrar a inauguración da  biblioteca do CEIP de Escarabote (Boiro), que foi remodelada. O resultado é un espazo moi acolledor, onde os cativos poderán desfrutar do pracer lectura sempre que queiran.

Escarabote

Escarabote

Nanocontos: A Viaxe de Nano na Biblioteca Central de Vigo

Nanocontos: A Viaxe de Nano, o espectáculo de contos para nenas e nenos de 0 a 3 anos, regresa á Biblioteca Central de Vigo. A sala estaba completamente chea, e rematamos todos danzando o baile de Nano e Pio.


Estrea da nova páxina web!

Xa está publicada a nova versión de www.raquelqueizas.com. Ten novas fotografías, xentileza do maravilloso fotográfo Laurent Leger Adame. Incorporáronse todos os espectáculos de contos que manteño en cartel, remodelouse o apartadado chamado media, e agora  se poden descargar fotografías  e ver artículos de prensa con entrevistas e críticas de actuacións. Tamén conta con un enlace directo o canal de youtube, onde se poden ver fragmentos de actuacións.

O diseño e construcción da páxina é de Daniel Piñeiro. Gracias de novo!

Contacontos

Contos do Cestiño en Gondomar

O meu Cesto e mais eu seguimos polas Rias Baixas. Dentro da programación navideña deste concello, o espectáculo Contos do Cestiño visitou o auditorio de Gondomar.

Contos do Cestiño en Meaño

A primeira actuación de este ano 2013: os Contos do Cestiño voltan a Meaño, con novas historias:

X