Inaguración da Biblioteca do CEIP de Escarabote (Boiro)

Comenzamos febreiro cunha actuación para celebrar a inauguración da  biblioteca do CEIP de Escarabote (Boiro), que foi remodelada. O resultado é un espazo moi acolledor, onde os cativos poderán desfrutar do pracer lectura sempre que queiran.

Escarabote

Escarabote

Nanocontos: A Viaxe de Nano na Biblioteca Central de Vigo

Nanocontos: A Viaxe de Nano, o espectáculo de contos para nenas e nenos de 0 a 3 anos, regresa á Biblioteca Central de Vigo. A sala estaba completamente chea, e rematamos todos danzando o baile de Nano e Pio.


Estrea da nova páxina web!

Xa está publicada a nova versión de www.raquelqueizas.com. Ten novas fotografías, xentileza do maravilloso fotográfo Laurent Leger Adame. Incorporáronse todos os espectáculos de contos que manteño en cartel, remodelouse o apartadado chamado media, e agora  se poden descargar fotografías  e ver artículos de prensa con entrevistas e críticas de actuacións. Tamén conta con un enlace directo o canal de youtube, onde se poden ver fragmentos de actuacións.

O diseño e construcción da páxina é de Daniel Piñeiro. Gracias de novo!

Contacontos

Contos do Cestiño en Gondomar

O meu Cesto e mais eu seguimos polas Rias Baixas. Dentro da programación navideña deste concello, o espectáculo Contos do Cestiño visitou o auditorio de Gondomar.

Contos do Cestiño en Meaño

A primeira actuación de este ano 2013: os Contos do Cestiño voltan a Meaño, con novas historias:

Contos en Pontevedra

“Que non nos quiten a ilusión!” é o lema de “Pontexogos“, o programa de apoio ao comercio local que organiza o Concello de Pontevedra, que se celebra ata o 4 de xaneiro, Na carpa que se montou na Praza de España, celebraranse  obradoiros de pintura, papiroflexia, confección de xoias, estampación con verduras… e por suposto, contos, contos e mais contos!

 

Contos do Cestiño na Gurugú

Os Contos do Cestiño remataron a programación semanal “Sábados en Familia” da Sala Gurugú por este ano.

Foi unha actuación moi entrañable e divertida, coma estas datas.

Contos de Nadal en Muros

Este venres 21 de decembro, tiven o pracer de voltar a fermosa vila de Muros. Para festexar o comenzo das vacacions, nada mellor que unha sesión de contos con historias relacionadas con o Nadal. A actividade desenrolouse na “Casa de San Xosé”, e foi organizada pola Biblioteca Municipal.

A Viaxe de Nano en Trazo

O 21 de decembro pola mañán, Nano dexouse ver no Punto de Atención á Infancia do Concello de Trazo. Os mais pequenos, nais, pais, irmáns maiores, avós e avoas, gozaron coas aventuras de Nano.

Historias da Maletra na II Festa da Lectura no Porto do Son

O 17 de decembro celebrouse na Casa da Cultura de Porto do Son, a II Festa da Lectura. Enchían a sala uns 200 alumnos do primeiro e o segundo ciclo de primaria, que disfrutaron do espectáculo de contos, as representacións musicais e como non, as panxoliñas.

Feria Das Industrias Culturais de Galicia (CULTURGAL) 2012

O 30 de novembro, 1 e 2 de decembro tivo lugar en Pontevedra a Feria Das Industrias Culturais (CULTURGAL). Comezamos o venres 30 de novembro ás 7 da tarde coa presentación do showcase (trailer) do Kikirixote de Os Monicreques de Kukas no Patio. A obra tivo moi boa acollida por parte do público, que foi moi variado, moi familiar.

O Kikirixote no Culturgal

O sábado e o domingo estiven colaborando no stand de UNIMA Galicia, alí coñecín a novos amigos e compañeiros titiriteiros. A xente traía fame de contos, de títeres, de teatro… e que mellor ocasión para contar que nesta Feira Cultural!

Contacontos no Culturgal

Contacontos no Culturgal

Nancontos na Biblioteca Municipal de Lugo

Nanocontos: o espectáculo de contos para bebés, viaxou ata a Biblioteca Municipal de Lugo. As nenas en nenos seguiron con moitísimo interés as aventuras de Nano, a rá protagonista. Para moitos dos bebés, esta era a sua primeira visita a biblioteca!

Nanocontos na Bilbioteca Municipal de Lugo

A Maleta da Avoa na Biblioteca de O Rosal

A concellaría de Cultura  do Concello de O Rosal continua coas actividades de fomento a lectura que organizan na Biblioteca Municipal de O Rosal os últimos sábados de cada mes. E alí fun, nesta ocasión co espectáculo de contos A Maleta da Avoa. Grazas a Charo Tabales Perozo (Concelleira de Cultura) por convidarme a participar un ano mais!.

O xogo de Nano na Biblioteca Central de Vigo

Os mais pequenos difrutaron das novas aventuras de Nano e dos sus amigos, na Biblioteca Central de Vigo…
A terceira entrega deste espectáculo de contos para os mais pequenos (0-3 anos) está chea de sorpresas…

 

Contos na Biblioteca de Arteixo

Rematamos por agora esta minixira polas bibliotecas do Concello de Arteixo, coa representación do espectáculo de narración Contos do Cestiño na Biblioteca Central “Henrique Rabuñal”. Mais de 70 nenas en nenos seguiron con moitísima atención as historias que saian do meu cesto:

Contos en Pastoriza

Os Contos do Cestiño, visitaron a Biblioteca Municipal de Pastoriza, dentro do programa “A hora do Conto” da Rede de Bibliotecas do Concello de Arteixo, o pasado día 8 de novembro.

Nunha chuviosa tarde, os rapaces disfrutaron dos contos que saían do meu cestiño:

Estrea de “Viaxe a Dadá”

O pasado domingo 21 de outubro, estreamos por fin a primeira montaxe da nosa nova compañía, Teatro da Semente. Tivemos dous pases, pola mañán na sala LaTuerka27. Tivo moi boa acollida por parte do público; nais, pais  e os seus bebés. Dende o primeiro minuto se creou un momento máxico compartido.

Nesta sala, LaTuerka27, era a primeira vez que programaban “Teatro para Bebés”. Non só apoiaron o proxecto dende o comezo, senón que sempre estiveron colaborando con nós en todo. Grazas, Iria Ares, Milo Taboada, Daniel Currás polo voso tempo e cariño.

Grazas tamén a CasaHamlet por deixarnos ensaiar no seu local, a José Losada e Fran Moledo polas fotos, en fin a tanta xente que creu en nós. A Daniel Piñeiro polo amor e a paciencia e a miña pequena Aldara por ser a nosa inspiración.

Este soño non sería posible sen Chus Álvarez unha gran profesional e amiga.

Na Voz de Galicia nos fixeron esta reseña que capta perfectamente a esencia do espectáculo.

Tamén o blog de Latuerka27, falou do noso estreno.

Esta montaxe está pensada para espacios acolledores con capacidade de 40 ou como moito 50 persoas; para ESCOLAS INFANTÍS, Centros Sociais e Salas de Teatro.

Contos do Cestiño en Chaín (Pontecaldelas)

A Comisión das festas de Santa Teresa, en Chaín (Pontecaldelas), invitoume a participar nas actividades que realizaron este fin de semana. Así, os rapaces e non tan rapaces de Chaín, puideron disfrutar do meu espectáculo de contos Contos do Cestiño:

Contos do Cestiño en Meicende

O espectáculo de contos “Contos do Cestiño” chegou a Biblioteca de Meicende (no Colexio San Xosé Obreiro), dentro da programación “A Hora do Conto” da Rede de Bibliotecas do Concello de Arteixo. Foi un pracer contar neste espazo. Que bén o pasamos, grandes e pequenos!

Próxima estrea de “Viaxe a Dadá”

Xa falta pouco para a estrea de Viaxe a Dadá, o novo proxecto de Teatro da Semente, dirixido a bebés de 0 a 3 anos e pais/nais acompañantes. É sementar para recoller, sementar para que nazcan flores, sementar para (re)coñecer a Vida e descubrir o Mundo. Entremos no faiado da infancia, subámonos a Dadá, o noso cabaliño de madeira, e viaxemos xuntos polas lembranzas da nenez, entre xogos e cantigas.

A estrea será o vindeiro sábado día 22 de outubro,  as 10 e as 12 da mañán na sala Latuerka27 de A Coruña.

Teatro da Semente está formado por Chus Álvarez e por min mesma!

Contos para bebés: Nano e Dara na Biblioteca Central de Vigo

Cantas nais, cantos pais, avós, avoas e sobre todo pequerrechas e pequerrechos me agardaban na Biblioteca Central de Vigo, dispostos a ver e escoitar as aventuras de Nano e Dara.


O vindeiro 22 de novembro voltarei a este espazo coa estrea de O XOGO DE NANO.

I Romaría Titiriteira

Este sábado día 15 de setembro, celebrouse no Parque dos Sentidos de Marín, a I Romaría Titiriteira, organizada por UNIMA Galicia.
Esta romaría foi pensada como unha xornada de encontro entre titiriteiros e como forma de dar a coñecer a outras persoas o traballo que realizamos.  E ademaís de títeres, tamén houbo empanadas, tortillas, pementos, e moitos nenos con ganas de pasalo ben.

Despois do xantar, houbo un obradoiro de construcción de titeres para os maís pequenos, e a continuación comenzou o Titirichow, con actuaciones de Pablísimo, Titereluis, Carmen Domech de Títeres Cachirulo, e eu mesma entre outros.

Contos creativos na Biblioteca Nodal de Pontevedra.

Durante o mes de xullo  levei a cabo na Biblioteca Nodal de Pontevedra un obradoiro de contos creativos. Este ano o tema a tratar era os hábitos sáudables. Durante catro sesións as nenas e nenos de 4 a 6 anos participaron nuha chea de actividades aderezadas con historias moi divertidas.

Escola de Verán de UNIMA en Tolosa

Este ano tiven o inmenso pracer de acudir a escola de verán que organiza a Asociación Internacional das Marionetas (UNIMA), celebrada no Centro Internacional do Títere de Tolosa (TOPIC).

Era a primeira vez que me achegaba ata Tolosa, tiña moitas ganas de participar nos obradoiros que programaba UNIMA. Foi un grato descubrimento coñecer a Neville Tranter, un gran maestro titiriteiro e unha belísima persoa.  Aqui vos deixo a ligazón con información de toda a programación da que puiden gozar en compañía de grandes profesionais de tódalas partes do mundo.

Convídovos dende aquí a que visitedes un dos mellores museos da marioneta que temos.

Obradoiro de títeres en Salceda de Caselas

O pasado día  27 achegueime ata a Biblioteca de Salceda de Caselas para realizar un obradoiro de construcción de títeres. Para este obradoiro, a técnica escollida foi a de construcción de títeres de varilla utilizando bolsas de papel . Alí agardábanme máis de quince nenas e nenos con moitas ganas de pasalo ben!

Titere de bolsa

Contos en Vimianzo

O 8 de agosto, os Contos do Cestiño acudiron a Biblioteca Municipal de Vimianzo:

Cuentacuentos en VimianzoCuentacuentos en Vimianzo

Historias para cambiar o mundo

O pasado 21 de xuño, coincidindo co comezo do verán, narradores de 30 países participamos na iniciativa da Rede Internacional de Contacontos (RIC), que baixo o lema “Historias para cambiar o mundo”, pretende celebrar o propio nacemento da RIC, e difundir e afianzar o arte de contar historias, ademais de contribuír a construción de un mundo un pouco mellor grazas a palabra e os contos.

Non faltou nin o sol a cita que tíñamos nos xardíns da Casa do Escudeiro en Meis, e pequenos e maiores gozaron do sol e da sombra baixo as árbores do xardin, e das historias que levei no meu cestiño.

Aproveitamos tamén o fermoso escenario que foi a Casa do Escudeiro para grabar un video da actuación:

Historias para cambiar o mundo

Historias para cambiar o mundo

X