Esta tardiña na Biblioteca Rosalia de Castro de Arzúa coñecemos a Nano, unha ra que medra aprendendo galego cos contos que eu mesma invento.

Hoxe non se cabía na Biblioteca de Nigrán, e saímos a contar no fermoso prado. Que ben o pasamos xuntxs!!!!

Agora máis ca nunca CONTOS POLA IGUALDADE!!! Esta tarde foi na Biblioteca Pública Municipal de Riveira.
“Dende a nenez pódese previr todo tipo de violencia mediante novos modelos de feminidade e masculinidade, rachando así cos roles e estereotipos asignados”

Así de ben o pasamos facendo Raposadas en San Sadurniño esta mañán do 18 de setembro:

Nano foi á escola por primeira vez este 17 de setembro no Centro Social O Ensanche de Santiago. Aí coñeceu moitos rapaces, e aprendeu moitas palabras novas. Grazas o Departamento de Lingua Galega do Concello de Santiago de Compostela e programa Apego.

Continuan as tan necesarias actividades pola igualdade e a loita contra a lacra que é a violencia de xénero. Grazas o Concello de Porto do Son por convidarme á biblioteca de Portosín.

O meu espectáculo de contos pola igualdade, Somos iguais, chegou á Biblioteca Miguel González Garcés da Coruña, dentro da programación cultural de este mes de setembro:

Este venres coñecín un novo espazo para contar contos. Así de ben o pasamos con Somos Iguais. Contos pola igualdade na Casa de Cultura de A Baña:

Este domingo, a mañán e cara á tardiña, antes de que finalice a festa, toda a rapazada chamou á avoa Tareixa para que lles contara lendas, lendas para perder o medo. Así foi Romaría na Sala Gurugú da Coruña:

Este 31 de agosto estiven reivindicando a figura das Meigas e das Mouras, mulleres sabias e poderosas,en Vilagarcía, con Romaría. Contos e lendas da nosa terra. No público atopei meigas, pantasmas, demos e trasnos famentxs de contos…Foi na Praza de Galicia diante da fabulosa Casa da Meiga rodeada de pequenos carballos que fixo Borja e Llou para a programación de “Noite de Meigas”. Grazas, Mar e Marta, por contar comigo!!

Foi un pracer acudir a Portonovo con Somos iguais, o espectáculo de contos pola igualdade. Esta actividade foi subvencionada no marco do Pacto de Estado en materia de violencia de xénero.

Grazas ás  Bibliotecas de Sanxenxo  , pola sua entrada no Facebook:

“Onte tivemos a sorte de ter a Raquel Queizás na Biblioteca de Portonovo e desfrutar da súa proposta de actividade para promover a igualdade entre homes e mulleres.
Foi unha sesión moi amena e divertida na que os nenos e nenas que se achegaron á Biblioteca, desfrutaron e participaron activamente. Por suposto moitas grazas a Raquel Queizás pola súa visita! “

Cheguei en tren a Valladolid para participar no ciclo Ventanas escénicas, unha rica e variada programación que organiza a Biblioteca de Castilla e León no medio do estío, un oasis cultural.
Foron dúas sesións de contos: Historias de la Maletra e Palabras en la boca.

Un público entregado e con ganas de historias agardaba por min na sesión matinal, en familia, grandes e pequenos entraron a formar parte das aventuras que se agochan entre as letras de Historias de la Maletra.

E polo serán, tamén no fermoso Patio das Palmeras do antiguo palacio dos condes de Benavente, un público adulto percorreu comigo as lembranzas da miña nenez con Palabras en la boca escoitando lendas, contos e historias de vida que me fixeron medrar na Galiza Máxica. Grazas a Luís, a Fernando e a todo o persoal da biblioteca de Valladolid por tanto agarimo. Grazas ao público pola escoita, polos risos, pola complicidade, polas felicitacións,..

Que fermoso é ver a praza da Fontenova de Viveiro chea para escoitar Travesías, aventuras de libro. Grazas, xente de Viveiro, pola vosa entrega!! Que tripulación tan aguerrida e festeira!!!

Hoxe estiven nun lugar máxico, cheo de contos, poesía, grandes corazóns, natureza e moito máis!!! Entramos?
En Garabelos, Contos Solidarios, o fogar de Anxo Moure.

Fixen moitas amigas e amigos!! E coñecín a dúas grandes señoras, a Blandina e a señora Alicia cheíñas de historias que tamén gozaron con “Raposadas” como meniñas. E non podía rematar a xornada sen subir a escoitar contos do Tío Teixo, Anxo Moure, na casiña das árbores. “As túas verbas prenden, amigo”.

Unha xornada inesquecíbel… Non faltaron boas conversas acompañadas de delicioso e picante queixo, empanadas variadas, pan de verdade, sidra natural á sombra de castiñeiros, teixos, acivros, carballos…
Anxo Moure e toda a súa familia, grazas, mil grazas por recibirnos con tanto agarimo.

Tedes que ir!!! Co colexio, ou en familia. Sempre programan unha chea de actividades; contos na casiña da árbore, excursións polo bosque, cinema no palleiriso , música das árbores, paseos en barca polo río,… xogo libre!!!!

Ata o próximo conto!!

Onte foi para min unha honra inaugurar con “A viaxe de Nano” as actuacións da Praza do Coido en Muxía, chamada agora a Praza do Voluntariado. Fermoso lugar para contar cando chega o solpor. Ata o próximo conto!

(As fermosas fotos son de Daniel Piñeiro)

Hoxe estiven con “A viaxe de Nano” no CEIP A Castellana en Aranga (A Coruña).  Na foto, Nano agardando polas crianzas que están no campamento de verán.

Este xoves 20 de xuño as historias de “Somos iguais“, nenas e nenos (e tamén animais) que rompen os estereotipos tan frecuentes nos contos tradicionais chegaron á Contateca da Biblioteca do Porriño

Hoxe estiven contando no EEI San Roque de Viveiro pola mañá e pola tarde impartín un obradoiro para mamás e papás sobre maneiras de contar, hai tantas! Que ben o pasamos!!!

O pasado día 13 de xuño fun facer Raposadas cas nenas e cos nenos do colexio de Taboexa e Rubiós. A cicerona de toda esta aventura na natureza, chea de petróglifos, covas de mouras e contos de raposas e raposos foi unha amiga e docente que eu admiro moito, hai outra maneira de ensinar, Karina Mouriño. Grazas por contar comigo un ano máis!!

Podedes saber máis sobre esta aventura no blog da Escola de Taboexa: recados da moura

(Foto de Adrián González, o mestre de Rubiós)

Nano e máis eu temos todo preparado para recibir as nenas e nenos do CEIP de Toques:

E así de ben o pasamos coas aventuras na nosa ra favorita en A viaxe de Nano:

Foi todo un pracer coñecer o Punto de Atención á Infancia (PAI) de Tordoia. Moi ben o pasamos coas aventuras de ‘A viaxe de Nano’ o día 17 de abril, e tamén con ‘O xogo de Nano’, o 10 de maio. De feito, pasámolo tan ben, que voltei ao PAI de Tordoia con ‘Nano vai á escola’ hoxe 7 de xuño.

Ao neno Antonio gústalle coidar da raposa, algúns días lévaa á súa casa na aldea, en Insuela. Alí xogan, escoitan os contos de Mamá Antonia, buscan respostas ás adiviñas que sabe a galiña e axudan ao sapo a sementar os campos. Ao terminar a colleita comeza a festa, en compañía danzan ao ritmo da pandeireta sabendo que, algún día, o neno Antonio converterase en Antonio Fraguas, o primeiro director do Museo do Pobo Galego, o persoeiro homenaxeado neste Día das Letras Galegas do 2019. Así de ben o pasamos na Biblioteca de Viveiro celebrando isto:

Agardando polo público na sala de obradoiros da Biblioteca Pública de Pontevedra Antonio Odriozola, para a sesión do Eco das Pedras, que realicei dentro da programación “Venres de Contos”

E despois de estar onte en Cee, continuo de ruta pola Costa da Morte ata chegar hoxe a Fisterra, onde realicei dúas funcións de Somos Iguais. Contos pola igualdade para as nenas e nenos dos colexios de este concello

Foi un pracer visitar o concello de Cee para facer dúas sesións de Somos iguais. Contos pola igualdade para as nenas e nenos da escola unitaria Brens Pereiriña, a escola infantil Eugenio López e o CPR Manuela Rial.